ఏపీ: రేషన్ బియ్యం మాయం కేసులో ఆరోపణలు ఎదుర్కొంటున్న వైసీపీ మాజీ మంత్రి పేర్ని నాని కుటుంబంపై పోలీసులు లుక్ అవుట్ నోటీసులు జారీ చేశారు.
ఈ నోటీసుల ద్వారా నాని కుటుంబ సభ్యులు దేశం విడిచి వెళ్లకుండా చర్యలు తీసుకున్నారు. కాగా, ఈ కేసులో నిందితుల బెయిల్ పిటిషన్ విచారణ ఈ నెల 19వ తేదీకి వాయిదా పడింది.
కేసులో మాయమైన బియ్యం విలువ చెల్లించేందుకు అధికారుల నోటీసులకు స్పందించిన నాని కుటుంబం మొదటి విడతలో రూ.1 కోటి, నిన్న మరో రూ.70 లక్షలు చెల్లించారు.
మొత్తం రూ.1.7 కోట్ల డీడీలు అప్పగించగా, ఈ చర్యలతో వారికి కేసు నుంచి తప్పించుకునే మార్గం కల్పించారనే విమర్శలు వస్తున్నాయి.
ఇక ప్రధాన నిందితురాలు గోదాము యజమాని జయసుధపై కూడా లుక్ అవుట్ నోటీసులు జారీ చేశారు. మాయమైన బియ్యం 3,708 బస్తాలకు మించి ఉండవచ్చన్న అనుమానాలు వ్యక్తమవుతున్నాయి.
ఈ కేసు పర్యవసానంగా పేర్ని నాని నిన్న అజ్ఞాతం వీడి మాజీ మంత్రులు, పార్టీ నేతలతో సమావేశమయ్యారు.