మూవీడెస్క్: వైవిధ్యమైన పాత్రలతో గుర్తింపు తెచ్చుకున్న రానా దగ్గుబాటి ప్రస్తుతం సినీ ప్రాజెక్ట్స్ లో ఎక్కువగా కనిపించకపోవడం అభిమానులను నిరాశపరుస్తోంది.
‘విరాటపర్వం’ తర్వాత ఆయన నుంచి పూర్తిస్థాయి హీరోగా సినిమా రాలేదు.
గతంలో బాహుబలి, ఘాజీ వంటి బ్లాక్ బస్టర్లతో రానా తన స్థాయిని నిరూపించుకున్నా, ప్రస్తుతం ఆయన కెరీర్‌లో గ్యాప్ మరీ ఎక్కువైపోయినట్లు అనిపిస్తోంది.
ఇటీవల రజనీకాంత్ నటించిన ‘వేట్టయ్యన్’లో కీలక పాత్ర పోషించిన రానా, ఆ పాత్రతో తన మార్క్‌ను చూపించగలిగినా, అభిమానులు ఆ రోల్‌కు సంతృప్తి చెందలేదు.
మరోవైపు, రానా తన హోస్టింగ్ చేస్తూ, ఇతర సినిమాల ప్రచార కార్యక్రమాల్లో పాల్గొంటూ సోషల్ మీడియాలో చురుకుగా ఉంటున్నారు.
కానీ, నెక్స్ట్ ప్రాజెక్ట్ గురించి ఎలాంటి క్లారిటీ ఇవ్వకపోవడం అభిమానుల్లో ఆతృతను పెంచుతోంది.
‘హిరణ్యకశిప’ ప్రాజెక్ట్‌పై ఎన్నో అంచనాలున్నా, అది పట్టాలెక్కకముందే పక్కనబడ్డట్లుగా తెలుస్తోంది.
ఈ గ్యాప్ రానా మార్కెట్‌పై ప్రభావం చూపుతుందేమోనని టాక్ వస్తోంది.
అయితే, రానా తన మార్క్ నటనతో మరోసారి మంత్రముగ్ధులను చేయగల సామర్థ్యం ఉన్న నటుడు.
అభిమానులు, పరిశ్రమ వర్గాలు రానా నుంచి కొత్త ప్రాజెక్ట్‌పై త్వరగా అప్డేట్ వస్తుందని ఆశిస్తున్నారు.
రానా త్వరలోనే పాన్ ఇండియా స్థాయిలో వైవిధ్యమైన కథతో కూడిన సినిమాతో వస్తారని అంతా ఎదురుచూస్తున్నారు.