నాగ చైతన్య, సాయి పల్లవి జంటగా రూపొందుతోన్న పాన్-ఇండియా మూవీ తండేల్ పై అంచనాలు పెరుగుతున్నాయి. ఫిబ్రవరి 7న విడుదలకు సిద్ధమవుతున్న ఈ చిత్రంలో నాగ చైతన్య ఫిషర్‌మన్ పాత్రలో కనిపించనున్నారు.
పాత్రకు సరిపడే శ్రీకాకుళం స్లాంగ్ నేర్చుకోవడంతో పాటు మత్స్యకారుల జీవనశైలిని దగ్గరగా తెలుసుకుని డబ్బింగ్ చెప్పడం వంటి పనులతో చైతన్య హార్డ్ వర్క్ స్పష్టంగా కనిపిస్తోంది.
అయితే, సంధ్య థియేటర్ తొక్కిసలాట ఘటనలో అల్లు అర్జున్ అరెస్ట్, రాజకీయ వివాదం కారణంగా ఈ చిత్ర ప్రమోషన్స్ పక్కనపడ్డాయన్న వార్తలు ఆందోళన కలిగిస్తున్నాయి.
నిర్మాత బన్నీ వాస్ ఈ వివాదం కారణంగా తండేల్ ప్రమోషన్స్‌లో పూర్తిగా పాల్గొనలేకపోయారని టాక్. తాజా సాంగ్ విడుదల కూడా వాయిదా పడిందని అనుమానాలు వ్యక్తమవుతున్నాయి.
సినీ విశ్లేషకుల ప్రకారం, ఈ వివాదం త్వరలోనే ముగియడంతో, సంక్రాంతి తర్వాత ప్రమోషన్స్ వేగం పెరుగుతుందని భావిస్తున్నారు. సినిమా కంటెంట్ ఇప్పటికే పాజిటివ్ బజ్ సృష్టించగా, విడుదల సమయానికి మరింత హైప్ క్రియేట్ కావడం ఖాయం అని అనుకుంటున్నారు.
తండేల్ ఫిబ్రవరి 7న ప్రేక్షకుల ముందుకు రానుండటంతో, అభిమానులు ఆ తేదీ కోసం ఆసక్తిగా ఎదురు చూస్తున్నారు.