మూవీడెస్క్: వెంకటేష్ పాట! సంక్రాంతి పండుగను టార్గెట్ చేస్తూ ‘సంక్రాంతికి వస్తున్నాం’ సినిమా అన్ని వర్గాల ప్రేక్షకులను ఆకట్టుకునేలా రూపొందుతోంది.
అనిల్ రావిపూడి దర్శకత్వంలో దిల్ రాజు నిర్మాణంలో వస్తున్న ఈ సినిమా నుంచి ఇప్పటికే విడుదలైన గోదారి గట్టు, మీను పాటలు మంచి హిట్ అయ్యాయి.
ఇప్పుడు ఫెస్టివల్ స్పెషల్ సాంగ్‌పై ఆసక్తి పెరిగింది.
ఈ సాంగ్‌కు సంబంధించిన వీడియోలో అనిల్ రావిపూడి, సంగీత దర్శకుడు భీమ్స్, వెంకటేష్ మధ్య సంభాషణ హైలైట్ అయింది.
బాలీవుడ్ ప్రముఖ గాయకుడిని ఈ పాట కోసం తీసుకురావాలని అనిల్ భావించగా, వెంకటేష్ స్వయంగా తాను పాడతానని నిర్ణయించుకున్నారు.
అనిల్ చిరాకుతో సరే అని ఒప్పుకోవడం ప్రేక్షకుల్ని ఆకట్టుకుంది.
‘గురు’ సినిమాలో తన గాత్రంతో ఆకట్టుకున్న వెంకటేష్, ఇప్పుడు ఈ పాటను తన స్టైల్‌లో పాడి మరోసారి అభిమానులను మెప్పించబోతున్నారు.
భాను మాస్టర్ కొరియోగ్రఫీతో రామోజీ ఫిల్మ్ సిటీలో ఈ పాట చిత్రీకరణ జరుగుతోంది. సంక్రాంతి వాతావరణాన్ని ప్రతిబింబించేలా ఈ పాట ఉంటుందని టీమ్ ఆశాభావంతో ఉంది.
ఈ సినిమా కుటుంబ అనుబంధాలు, హాస్యం, సున్నితమైన భావోద్వేగాలతో ప్రేక్షకులను అలరించనుంది.
జనవరి 14న విడుదల కానున్న ఈ చిత్రంపై ఇప్పటికే భారీ అంచనాలు ఉన్నాయి. వెంకటేష్ పాత్రతో పాటు, పండుగ సాంగ్ ప్రత్యేక ఆకర్షణగా నిలవనుంది.