అంతర్జాతీయం: హెచ్-1బీ వీసాపై మస్క్ మరోసారి కీలక వ్యాఖ్యలు చేసారు.
అమెరికాలో హెచ్-1బీ వీసాల భవిష్యత్
టెస్లా సీఈఓ ఎలాన్ మస్క్ మరోసారి హెచ్-1బీ వీసా విధానం పట్ల తన అభిప్రాయాలను వ్యక్తం చేశారు. నైపుణ్యమైన విదేశీ ఉద్యోగులను అమెరికాకు ఆహ్వానించే హెచ్-1బీ విధానం తీవ్రంగా విచ్ఛిన్నమైందని, దీనిలో సమూల మార్పులు అవసరమని మస్క్ వ్యాఖ్యానించారు.
కనిష్ఠ వేతనాలు, నిర్వహణ ఖర్చులపై సూచనలు
‘‘హెచ్-1బీ వీసా పథకం సమస్యలను తీర్చేందుకు కనిష్ఠ వేతనాలను పెంచడం, వార్షిక నిర్వహణ ఖర్చులను సమర్థవంతంగా జోడించడం అవసరం. ఇలా చేస్తే కంపెనీలు విదేశీ ఉద్యోగులను నియమించడం మరింత ఖరీదైనదిగా మారుతుంది,’’ అని ఎలాన్ మస్క్ పేర్కొన్నారు.
అత్యుత్తమ ప్రతిభకు అమెరికా కేంద్రం కావాలి
ప్రపంచవ్యాప్తంగా అత్యుత్తమ ప్రతిభావంతులకు అమెరికా ఆశ్రయం కావాలని మస్క్ అభిప్రాయపడ్డారు. అయితే, హెచ్-1బీ ప్రోగ్రామ్ ఈ లక్ష్యానికి సరైన మార్గం కాదని, దానిని సమూలంగా మార్పు చేయాలని ఆయన సూచించారు.
ట్రంప్ మద్దతు దారులతో చర్చలు
హెచ్-1బీ వీసాలను రక్షించడానికి తాను యుద్ధనికి సైతం సిద్ధమని ఎలాన్ మస్క్ ఇటీవలే పేర్కొన్నారు. ఈ సందర్భంలో, డొనాల్డ్ ట్రంప్ మద్దతుదారులతో జరిగిన చర్చల్లో మస్క్ అభిప్రాయాలు హాట్ టాపిక్‌గా నిలిచాయి.
భారీ సంస్కరణల అవసరం
భారతీయ-అమెరికన్ టెక్ వ్యాపారవేత్త వివేక్ రామస్వామి సహా పలువురు ప్రముఖులు హెచ్-1బీ ప్రోగ్రామ్‌కు మద్దతు ప్రకటించారు. అయితే, దాని నిర్వహణలో భారీ సంస్కరణల అవసరం ఉందని సూచించారు.
మస్క్ వ్యక్తిగత అనుభవం
హెచ్-1బీ వీసా ద్వారా దక్షిణాఫ్రికా నుంచి అమెరికాకు వలస వచ్చిన మస్క్, ఈ పథకంపై తనకు ప్రత్యేక అనుభవం ఉందని, కానీ ప్రస్తుతం ఇది లోపభూయిష్టంగా ఉందని అభిప్రాయపడ్డారు.