మూవీడెస్క్: టాలీవుడ్ లో అనిల్ రావిపూడి విజయవంతమైన దర్శకుడిగా నిలిచాడు.
ఈ సంక్రాంతికి వచ్చిన “సంక్రాంతికి వస్తున్నాం” మూవీ భారీ విజయాన్ని సాధించి, దిల్ రాజు బ్యానర్ కు ఊపిరి నింపింది.
వరుస ప్లాపుల తరువాత, ఈ సినిమా టాలీవుడ్ రీజనల్ మార్కెట్లో రికార్డులు క్రియేట్ చేస్తూ దూసుకుపోతోంది.
ఇక దిల్ రాజు బ్యానర్ లో అనిల్ రావిపూడి ఇప్పటికే చాలా సినిమాలు చేశారు.
“సుప్రీమ్,” “రాజా ది గ్రేట్,” “ఎఫ్2,” “ఎఫ్3,” ఇప్పుడు “సంక్రాంతికి వస్తున్నాం” లాంటి చిత్రాలు ఈ ఇద్దరి కాంబినేషన్ కి ప్రూవన్ హిట్ ఫార్ములాగా మారాయి.
దిల్ రాజు అనిల్ తో మరో రెండు సినిమాలకు గ్రీన్ సిగ్నల్ ఇచ్చినట్లు సమాచారం.
అయితే, ఇప్పుడు అనిల్ తన తదుపరి ప్రాజెక్ట్‌గా మెగాస్టార్ చిరంజీవితో పని చేయబోతున్నారు.
ఈ భారీ బడ్జెట్ చిత్రాన్ని సాహు గారపాటి నిర్మించనుండగా, 2026 సంక్రాంతికి ప్రేక్షకుల ముందుకు తీసుకురావాలని చూస్తున్నారు.
ఈ ప్రాజెక్ట్ పూర్తి చేసిన తర్వాతే దిల్ రాజు సినిమాలు పట్టాలెక్కుతాయని తెలుస్తోంది.
అనిల్ రావిపూడి తన కథలలో వినోదాన్ని మేళవించి, ప్రేక్షకుల హృదయాల్లో నిలిచేలా చిత్రాలు తెరకెక్కిస్తున్నాడు.
అందుకే అనిల్ క్రేజ్ రోజురోజుకూ పెరుగుతోంది. వరుస విజయాలతో ఈ దర్శకుడు టాలీవుడ్‌లో తనదైన ముద్ర వేస్తున్నాడు.