మూవీడెస్క్: పాన్ ఇండియా స్థాయిలో అత్యంత ఆసక్తిగా ఎదురుచూస్తున్న మల్టీస్టారర్ చిత్రాల్లో వార్ 2 ఒకటి.
యశ్ రాజ్ ఫిల్మ్స్ బ్యానర్‌పై హృతిక్ రోషన్, ఎన్టీఆర్ ప్రధాన పాత్రల్లో నటిస్తున్న ఈ సినిమా గురించి ఎలాంటి అప్డేట్ వచ్చినా సోషల్ మీడియాలో ట్రెండ్ అవుతోంది.
తాజాగా తెలుగులో మహేష్ బాబు, హిందీలో రణబీర్ కపూర్ వాయిస్ ఓవర్ ఇస్తారని సమాచారం.
ఈ వాయిస్ ఓవర్ హీరోల పాత్రలను పరిచయం చేస్తూ, సినిమాలో కీలక భాగంగా నిలవబోతోందట.
దర్శకుడు అయాన్ ముఖర్జీ ఎన్టీఆర్, హృతిక్ అభిమానుల కోసం ప్రత్యేకంగా ఈ ప్రాజెక్ట్‌ను డిజైన్ చేశారని టాక్.
ఈ ఇద్దరి కలయికపై ఇప్పటికే భారీ అంచనాలు నెలకొన్నాయి. ఎన్టీఆర్ పాత్ర హృతిక్‌కు తక్కువ కాకుండా, ప్రతి సీన్‌లో తనదైన ముద్ర వేయబోతుందని తెలుస్తోంది.
యాక్షన్ ప్రధానంగా సాగే ఈ చిత్రంలో ఎన్టీఆర్ పాత్ర సినిమాకు కీలకంగా ఉండనుంది.
వార్ 2 సినిమా కథ పూర్తి యాక్షన్ డ్రామాగా ఉంటుందని, ప్రతీ సీక్వెన్స్ విజువల్ వండర్‌గా మారబోతోందని టాక్.
భారీ బడ్జెట్‌తో తెరకెక్కుతున్న ఈ చిత్రాన్ని నిర్మాత ఆదిత్య చోప్రా గ్రాండ్‌గా నిర్మిస్తున్నారు.
యాక్షన్ సీన్స్ కోసం హాలీవుడ్ టెక్నీషియన్స్ సేవలు తీసుకున్నారట.
ఇక సినిమాకు సంబంధించిన ఫస్ట్ లుక్‌ ఇతర ప్రమోషనల్ కంటెంట్‌పై అభిమానులు ఆసక్తిగా ఎదురు చూస్తున్నారు.
భారీ అంచనాల మధ్య తెరకెక్కుతున్న ‘వార్ 2’ బాలీవుడ్, టాలీవుడ్‌ ప్రేక్షకుల హృదయాలను ఏ రేంజ్‌లో గెలుచుకుంటుందో చూడాలి.