మూవీడెస్క్: అల్లు అర్జున్, సుకుమార్ కాంబినేషన్‌లో వచ్చిన పుష్ప 2: ది రూల్ ప్రపంచవ్యాప్తంగా భారీ విజయం సాధించిన సంగతి తెలిసిందే.
థియేటర్లలో సంచలన విజయం సాధించిన ఈ సినిమా ఇప్పుడు ఓటీటీలో మరో హంగామా సృష్టిస్తోంది.
రూ.1830 కోట్లకు పైగా వసూళ్లు రాబట్టిన ఈ చిత్రం, ఆ తర్వాత రీలోడెడ్ వెర్షన్‌తో థియేటర్లలో అదిరిపోయే రెస్పాన్స్ అందుకుంది.
ఇప్పుడు అదే వెర్షన్ నెట్‌ఫ్లిక్స్‌లో స్ట్రీమింగ్ అవుతోంది.
సినిమా స్ట్రీమింగ్ గురించి పలు ఊహాగానాలు వచ్చినా, మేకర్స్ 56 రోజులు గడిచాకే ఓటీటీలో విడుదల చేయాలని నిర్ణయించారు.
20 నిమిషాల అదనపు ఫుటేజ్‌తో మొత్తం 3 గంటల 40 నిమిషాల నిడివితో పుష్ప 2 రీలోడెడ్ నెట్‌ఫ్లిక్స్‌లో తెలుగు, తమిళ, హిందీ, కన్నడ, మలయాళ భాషల్లో అందుబాటులోకి వచ్చింది.
ఇక సినిమాలో రష్మిక మందన్న, ఫహద్ ఫాజిల్, జగపతి బాబు, సునీల్, అనసూయ, రావు రమేష్ కీలక పాత్రలు పోషించారు.
శ్రీలీల “కిస్సిక్” పాటతో అదరగొట్టగా, దేవిశ్రీ ప్రసాద్ మ్యూజిక్ మరోసారి మెస్మరైజ్ చేసింది.
మైత్రి మూవీ మేకర్స్ భారీ బడ్జెట్‌తో తెరకెక్కించిన ఈ చిత్రం ఓటీటీలోనూ రికార్డులు తిరగరాయడానికి సిద్ధంగా ఉంది.