మూవీడెస్క్:మాస్ మహారాజా రవితేజ ప్రస్తుతం మాస్ జాతర చిత్రంలో బిజీగా ఉన్న సంగతి తెలిసిందే.
భాను బోగవరపు దర్శకత్వంలో తెరకెక్కుతున్న ఈ సినిమా మాస్ అండ్ యాక్షన్ ఎంటర్‌టైనర్‌గా రాబోతోంది.
వేసవి స్పెషల్‌గా థియేటర్లలో సందడి చేయనున్న ఈ చిత్రం, ప్రస్తుతం చివరి షెడ్యూల్‌లో ఉంది.
అయితే, ఇటీవల షూటింగ్‌లో రవితేజ చిన్న గాయాలపాలవడంతో, తాత్కాలిక విరామం తీసుకున్నారు.
ఈ బ్రేక్ సమయంలోనే రవితేజ తన నెక్స్ట్ సినిమాకు గ్రీన్ సిగ్నల్ ఇచ్చినట్లు తెలుస్తోంది.
మ్యాడ్ స్క్వేర్ సినిమాతో ఆకట్టుకుంటున్న దర్శకుడు కళ్యాణ్ శంకర్, రవితేజ కోసం ఓ పవర్‌ఫుల్ మాస్ ఎంటర్‌టైనర్ స్క్రిప్ట్ రెడీ చేసినట్లు సమాచారం.
కథను వినగానే రవితేజకు బాగా నచ్చడంతో, ప్రాజెక్ట్‌ను ఓకే చేసినట్లు టాక్.
ప్రస్తుతం మ్యాడ్ స్క్వేర్ షూటింగ్ పూర్తి కావాల్సి ఉన్నప్పటికీ, ఆ వెంటనే రవితేజ మూవీని లాంచ్ చేసేందుకు కళ్యాణ్ శంకర్ ప్లాన్ చేస్తున్నారని సమాచారం.
ఈ సినిమాలో రవితేజ మరింత స్టైలిష్ మాస్ రోల్‌లో కనిపించనున్నాడని, కథలో వినూత్నమైన అంశాలు ఉన్నాయని తెలుస్తోంది.
ఇప్పటికే ఈ ప్రాజెక్ట్‌పై మాస్ ఫ్యాన్స్‌లో ఆసక్తి నెలకొంది. ఇక త్వరలోనే ఈ సినిమాకు సంబంధించిన అధికారిక ప్రకటన రానుంది.
మరోసారి మాస్ రాజా యాక్షన్‌లో ఎంటర్‌టైన్ చేసేందుకు సిద్ధమవుతున్నాడు!