ఢిల్లీ ఓటర్లపై కేంద్ర బడ్జెట్ ప్రభావం ఉంటుందా?

జాతీయం: ఢిల్లీ ఓటర్లపై కేంద్ర బడ్జెట్ ప్రభావం ఉంటుందా?

ఢిల్లీ అసెంబ్లీ ఎన్నికల సమీపిస్తున్న తరుణంలో, కేంద్ర ప్రభుత్వం ప్రవేశపెట్టిన బడ్జెట్ రాజకీయంగా ప్రాధాన్యతను సంతరించుకుంది. ముఖ్యంగా ఆదాయపు పన్ను మినహాయింపులు, గిగ్ వర్కర్లకు ఆరోగ్య బీమా వంటి ప్రకటనలు ఢిల్లీలోని మధ్యతరగతి ఓటర్లపై ఎలా ప్రభావం చూపుతాయనే చర్చ జరుగుతోంది.

ఢిల్లీలో మధ్యతరగతికి ఓటర్ల కీలక ప్రాధాన్యత

ఢిల్లీ జనాభా 3 కోట్లకు పైమాటే. వీరిలో దాదాపు కోటిన్నర మంది ఓటర్లు ఉన్నారు. వీరిలో సుమారు 45% మంది మధ్యతరగతికి చెందినవారే. ముఖ్యంగా ఆదాయపు పన్ను చెల్లించే వారు ఢిల్లీలో 40 లక్షల మంది ఉన్నారు. గిగ్ వర్కర్లు కూడా ఎక్కువ సంఖ్యలో ఉండటంతో, కేంద్ర బడ్జెట్‌లో ఈ వర్గాలను ప్రాధాన్యతనిచ్చే విధంగా ప్రకటించిన పథకాలు ఎన్నికలపై ప్రభావం చూపొచ్చనే అంచనాలు వెలువడుతున్నాయి.

మధ్యతరగతికి ఊరట – ఆదాయపు పన్నులో మార్పులు

ఈసారి బడ్జెట్‌లో రూ.12 లక్షల వరకు ఆదాయపు పన్ను మినహాయింపు కల్పించడం లక్షలాది మంది వేతన జీవులకు ఊరట కలిగించనుంది. కొత్త పన్ను విధానం ద్వారా దేశవ్యాప్తంగా కోటి మంది ఆదాయ పన్ను నుంచి మినహాయింపు పొందుతారని కేంద్ర ప్రభుత్వం వెల్లడించింది. దిల్లీలో నివసించే వేతన జీవులకు ఇది భారీ ఉపశమనంగా మారే అవకాశం ఉంది.

ఢిల్లీలో రాజకీయ సమీకరణాలు – ప్రధాన పార్టీల వ్యూహాలు

ఈ ప్రణాళికలతో బీజేపీ మధ్యతరగతి వర్గం మద్దతును పెంచుకోవాలని భావిస్తోంది. భాజపా ఢిల్లీ రాష్ట్ర అధ్యక్షుడు వీరేంద్ర సచ్‌దేవ, “మధ్యతరగతి ప్రజల విశ్వాసాన్ని మరింత బలోపేతం చేసేలా కేంద్ర బడ్జెట్‌లో నిర్ణయాలు తీసుకున్నాం” అని పేర్కొన్నారు.

అయితే, ఈ పథకాలపై ఆమ్ ఆద్మీ పార్టీ (AAP) తీవ్ర విమర్శలు గుప్పిస్తోంది. ముఖ్యమంత్రి అరవింద్ కేజ్రీవాల్, “ఢిల్లీవాసులు ఆదాయపు పన్ను రూపేణా రూ.1.78 లక్షల కోట్లు చెల్లిస్తున్నారు. కానీ, ఆ మేరకు ప్రయోజనాలు లభించడం లేదు. కేంద్రం పన్నుల మోత మోగిస్తోంది” అంటూ ఆరోపించారు.

ఎన్నికలపై ప్రభావం – కేంద్ర బడ్జెట్ ఓటింగ్ పై ఎఫెక్ట్?

ఢిల్లీలో ప్రధాన పార్టీలు విద్య, వైద్యం, రోడ్లు, మౌలిక సదుపాయాల పేరుతో వాగ్దానాలు గుప్పిస్తున్నాయి. అయితే, పన్ను మినహాయింపు, గిగ్ వర్కర్లకు బీమా, ఉద్యోగుల ఆదాయ పరిమితిపై మార్పులు – ఎన్నికల ఓటింగ్ విధానాన్ని ప్రభావితం చేస్తాయా? అనే దానిపై ఆసక్తి నెలకొంది.

బీజేపీ ఈ బడ్జెట్‌ను ప్రజా అనుకూలమైనదిగా అభివర్ణిస్తుండగా, విపక్షాలు మాత్రం “ట్యాక్స్ టెర్రరిజం” అని మండిపడుతున్నాయి. మరి, ఓటర్లు దీనిని ఎలా స్వీకరిస్తారనేది ఫలితాల తర్వాతే తెలుస్తుంది.