ఏపీ: ఏపీ సీఐడీ మాజీ అధికారులకు సంబంధించిన తాజా వివాదం హాట్ టాపిక్‌గా మారింది. డిప్యూటీ స్పీకర్ కనుమూరు రఘురామకృష్ణరాజుపై సీఐడీ కస్టడీలో టార్చర్ కేసులో నిందితుడిగా ఉన్న కామేపల్లి తులసిబాబుకు సీఐడీ రూ.48 లక్షలు అందించిందన్న ఆరోపణలు చర్చనీయాంశమయ్యాయి.
రఘురామ ఆరోపణల ప్రకారం, తులసిబాబుకు లాయర్ ఫీజుల కింద ఈ మొత్తం చెల్లించారని సీఐడీ చెబుతున్నా, ఇది న్యాయసమ్మతం కాదని ఆయన పేర్కొన్నారు.
తులసిబాబు 2021లో బార్ కౌన్సిల్‌లో తన పేరును నమోదు చేసుకున్నారని, కానీ 2020లోనే సీఐడీ ఆయనను లీగల్ అసిస్టెంట్‌గా నియమించుకుందని రఘురామ అన్నారు.
సీఐడీ కేసుల విచారణ హైకోర్టులో జరగదని, అయినా అక్కడ తులసిబాబును లీగల్ అసిస్టెంట్‌గా ఎలా నియమించారని ఆయన ప్రశ్నించారు. ఈ మొత్తాన్ని అప్పటి సీఐడీ చీఫ్ పీవీ సునీల్ కుమార్ సహకారంతో మంజూరు చేశారని ఆరోపించారు.
ఇది కేవలం అధికార దుర్వినియోగం మాత్రమే కాకుండా, నిబంధనలకు విరుద్ధంగా చెల్లింపు జరిగిందని రఘురామ అభిప్రాయపడ్డారు. ఈ వ్యవహారంపై విచారణ చేపట్టాలని కోర్టును కోరతామని తెలిపారు.
ఈ ఆరోపణలతో ఏపీ సీఐడీ వ్యవహారశైలి మరోసారి ప్రశ్నించబడుతోంది. హైకోర్టులో ఈ అంశంపై ఎలా స్పందిస్తుందో చూడాలి.