ప్రణయ్ హత్య కేసులో తుది తీర్పు.. నిందితులకు కఠిన శిక్ష

మిర్యాలగూడ: 2018లో మిర్యాలగూడలో జరిగిన ప్రణయ్ హత్యకేసులో నల్లగొండ కోర్టు కీలక తీర్పు వెల్లడించింది. ఈ సంఘటన దేశవ్యాప్తంగా కుల వివక్షపై పెద్ద చర్చకు దారి తీసింది. కోర్టు ప్రధాన నిందితుడు సుభాష్ శర్మ (ఏ-2) కు ఉరిశిక్ష విధించగా, మిగతా నిందితులకు యావజ్జీవ కారాగార శిక్ష ఖరారు చేసింది.

ప్రణయ్, అమృత ప్రేమ వివాహాన్ని అంగీకరించని ఆమె తండ్రి మారుతీరావు ఈ హత్యను ప్లాన్ చేసినట్లు విచారణలో తేలింది. 1600 పేజీల చార్జ్‌షీట్ ఆధారంగా విచారణ కొనసాగించి, నిందితులు దోషులుగా తేలడంతో కోర్టు కఠినంగా శిక్షించింది. మారుతీరావు (ఏ-1) 2020లో ఆత్మహత్య చేసుకున్నాడు.

నిందితులపై 302, 120B, ఎస్సీ/ఎస్టీ చట్టం కింద అభియోగాలు నమోదయ్యాయి. తమ శిక్షను తగ్గింఛాలని నిందితులు కోరినా, కోర్టు వారి వాదనలను తిరస్కరించింది. కుటుంబ నిర్బంధం, కులపరమైన వివక్ష కారణంగా ఈ హత్య జరిగిందని కోర్టు తేల్చింది.

ఈ తీర్పు సామాజిక న్యాయవ్యవస్థకు న్యాయం జరిగిందని న్యాయ నిపుణులు అభిప్రాయపడ్డారు. భవిష్యత్తులో ఇటువంటి ఘటనలు పునరావృతం కాకుండా కఠిన శిక్షలు అవసరమని వారు వ్యాఖ్యానించారు.