మెగా పవర్ స్టార్ రామ్ చరణ్ – బుచ్చిబాబు సానా కాంబినేషన్‌లో తెరకెక్కుతున్న RC16 షూటింగ్ వేగంగా కొనసాగుతోంది. స్పోర్ట్స్ డ్రామా నేపథ్యంలో రూపొందుతున్న ఈ చిత్రానికి సంబంధించి టీమ్ పక్కా షెడ్యూల్‌తో ముందుకెళ్తోంది. ఔట్‌డోర్ లొకేషన్లలో ఎక్కువగా షూట్ చేయడం వల్ల, వర్చువల్ సెట్స్ అవసరం లేకుండా సింగిల్ షెడ్యూల్‌లో ఎక్కువ భాగం పూర్తి చేయాలని మేకర్స్ ప్లాన్ చేస్తున్నారు.
ఈ సినిమా రామ్ చరణ్ కెరీర్‌లో మరో బిగ్ హిట్ అవుతుందని ఇండస్ట్రీలో హాట్ టాపిక్ నడుస్తోంది. రంగస్థలం తరహాలో నేటివిటీ, మాస్ ఎమోషన్స్ మిక్స్ అవుతాయని టాక్. చరణ్ మాస్ లుక్, ఫిజికల్ ట్రాన్స్‌ఫార్మేషన్ సినిమాకు హైలైట్ కానుంది. ఫ్లాష్‌బ్యాక్ ఎపిసోడ్ ప్రత్యేక ఆకర్షణగా నిలుస్తుందని తెలుస్తోంది.
జాన్వీ కపూర్ హీరోయిన్‌గా నటిస్తుండగా, శివరాజ్ కుమార్, జగపతిబాబు కీలక పాత్రల్లో కనిపించనున్నారు. మైత్రి మూవీ మేకర్స్, వృద్ధి సినిమాస్, సుకుమార్ రైటింగ్స్ కలిసి నిర్మిస్తున్న ఈ సినిమా ప్రొడక్షన్ వ్యాల్యూస్ చాలా హై లెవెల్‌లో ఉంటాయట. ఏఆర్ రెహమాన్ మ్యూజిక్ అందిస్తుండటంతో ఆల్బమ్ కూడా ఇంటెన్స్‌గా ఉండనుంది.
ప్రస్తుతం అందరి దృష్టి ఫస్ట్ లుక్, టీజర్‌పై ఉంది. బుచ్చిబాబు తన స్టైల్‌లో నేటివిటీ స్టోరీని, చరణ్ మాస్ స్టార్డమ్‌ను మిక్స్ చేస్తూ బిగ్ స్కేల్ సినిమా రూపొందిస్తున్నాడు. ఈ ఏడాదిలోనే షూటింగ్ ఫినిష్ చేసి, 2026 సమ్మర్‌లో విడుదల చేయాలని ప్లాన్ చేస్తున్నారు.