కోలీవుడ్: కొన్ని కాంబినేషన్లకి ఉన్న క్రేజ్, డిమాండ్ వేరు. వాల్ల కాంబినేషన్ లో ఒక సినిమా వచ్చి ఆది సూపర్ హిట్ అయిందంటే చాలు.. తరువాత వాళ్ల కాంబినేషన్ లో వచ్చే ప్రాజెక్ట్ కోసం అభిమానులు అమితాసక్తి తో ఎదురు చూస్తుంటారు. అలాంటి ఒక కాంబినేషన్ తమిళ్ టాలెంటెడ్ హీరో ధనుష్ మరియు తమిళ్ టాప్ మోస్ట్ మ్యూజిక్ డైరెక్టర్ అనిరుద్ రవిచందర్. 2012 లో ధనుష్ నటించిన ‘ 3 ‘ సినిమా ద్వారా ఇండస్ట్రీ కి పరిచయం అయి ఇప్పటివరకు అనిరుద్ వెనక్కి తిరిగి చూసింది లేదు. తమిళ్ లో ఉన్న టాప్ మోస్ట్ హీరోలు అందరితో దాదాపు పని చేసాడు.
ధనుష్ తో మొదట్లో 3 , వేలై ఇళ్ల పట్టదారి (రఘువరన్ బి.టెక్), తంగమగన్ (నవ మన్మధుడు) , మారి సినిమాలకి సంగీతం అందించి ఆ సినిమాలు హిట్ అవడంలో సింహ భాగం అయ్యాడు ఈ యంగ్ మ్యూజిక్ డైరెక్టర్. కానీ 5 సంవత్సరాలుగా వీళ్ళ కాంబినేషన్ లో ఒక్క సినిమా కూడా రాలేదు. ఇపుడు మళ్ళీ వీళ్లిద్దరు కలిసి ఒక సినిమాకోసం పని చెయ్యబోతున్నారు. సన్ పిక్చర్స్ ఈ సినిమాని నిర్మిస్తుంది. ధనుష్ హీరోగా మిత్రన్ జవహర్ తెరకెక్కిస్తోన్న మూవీకి అనిరుధ్ సంగీతం అందించబోతున్నారు. నిన్న అనిరుధ్ పుట్టినరోజు సందర్భంగా అతడికి శుభాకాంక్షలు చెబుతూ.. ఓ స్పెషల్ వీడియోను కూడా విడుదల చేసింది. అందులో ‘డీఅండ్‌ఏ’ ఈజ్ బ్యాక్‌ అని టాగ్ జోడించి పోస్ట్ పెట్టారు సన్ పిక్చర్స్ టీం. వీళ్ళ కాంబోలో మరిక సూపర్ హిట్ ఆల్బం కోసం ప్రేక్షకులు కూడా ఎదురుచూస్తున్నారు.