వాషింగ్టన్‌: ఎంతోమంది భారతీయులు ఆశగా ఎదురు చూస్తున్నా ఫలితం వచ్చింది. భారత సంతతి మహిళ కమలా హ్యారిస్‌ అగ్రరాజ్యం అమెరికా ఉపాధ్యక్షురాలిగా పగ్గాలు చేపట్టబోతున్నారు. ఒక మహిళ అది కూడా ఒక ఆసియన్‌ అమెరికన్‌కు ఈ పదవికి దక్కడం ఇదే తొలిసారి కావడం గర్వకారణం. కాబట్టి కమలా హ్యారిస్‌ కొత్త చరిత్ర సృష్టించినట్లే.
దీనికంటే ముందే ఆమె ఎన్నో ఘనతలు కూడా సాధించారు. శాన్‌ఫ్రాన్సిస్కో జిల్లా అటార్నీ పదవిని అధిరోహించిన తొలి మహిళగా కూడా ఆమె కీర్తిగడించారు. అలాగే కాలిఫోర్నియా అటార్నీ జనరల్‌గా సేవలందించిన మహిళగానూ ఆమె రికార్డుకెక్కారు.
కమలా హ్యారిస్‌ 1964 అక్టోబర్‌ 20న ఒక్లాండ్‌లో జన్మించారు. ఆమె తల్లి తమిళనాడులోని ఒక సంప్రదాయ కుటుంబానికి చెందినవారు, తండ్రి జమైకా దేశస్తుడు. వాషింగ్టన్‌ డీసీలోని హోవార్డ్‌ యూనివ ర్సిటీలో కమల చదువుకున్నారు. యూసీ హేస్టింగ్స్‌ కాలేజీలో న్యాయ విద్య అభ్యసించారు.
అలమెండా కౌంటీ డిస్ట్రిక్ట్‌ అటార్నీ కార్యాలయంలో ఎనిమిది సంవత్స రాలు పనిచేశారు. ప్రధానంగా చిన్నా రులపై జరిగే హింసకు సంబంధించిన కేసులను విచారించారు. కాలిఫోర్నియా అటార్నీ జనరల్‌గా పని చేస్తున్నప్పుడు బరాక్‌ ఒబామా దృష్టిలో పడ్డారు. అనంతరం డెమొక్ర టిక్‌ పార్టీలో చేరారు. కాలిఫోర్నియా సెనేటర్‌గా ఎన్నికయ్యారు