టాలీవుడ్: మెగా మేనల్లుడు వైష్ణవ తేజ్ హీరోగా పరిచయం అవ్వబోతున్న సినిమా ‘ఉప్పెన‘. మార్చ్ చివర్లో విడుదల అవ్వాల్సిన ఈ సినిమా కరోనా వల్ల ఆగిపోయి థియేటర్లు తెరచుకుని మంచి సమయం కోసం ఎదురుచూస్తున్నారు మేకర్స్. ఈ సినిమా నుండి ఇప్పటికే ‘నీ కన్ను నీలి సముద్రం’, ‘ధక్ ధక్’ పాటలు విడుదలై సూపర్ హిట్ గా నిలిచాయి. ఇపుడు ప్రస్తుతం ఈ సినిమా నుండి మూడవ పాటని విడుదల చేయించారు ఈ సినిమా టీం. ‘రంగులద్దుకున్న‘ అంటూ సాగే ఈ పాటని సూపర్ స్టార్ మహేష్ బాబు చేతులమీదుగా విడుదల చేయించారు. స్మాల్ టౌన్స్ లో ఉండే ప్రేమ కథలు ఎలా ఉంటాయో ఈ పాటలో చూపించారు. ఎవరికీ తెలియ కుండా కలుసుకోవడాలు.. ఎవరన్నా చూస్తున్నారా అంటూ చూసుకోవడాలూ..దాచుకుని దాచుకొని ప్రేమించడం.. పాట సాహిత్యం లో కూడా ఆ విషయం తెలుస్తుంది.
చాలా రోజుల తర్వాత పూర్తి ఆల్బం ఇంత మంచి హిట్ అవడం తో ఈ సినిమా మ్యూజికల్ హిట్ దిశగా వెళ్తుంది. ఒక సినిమా సంగీతం సూపర్ హిట్ అనిపించుకుంటే దాదాపు సగం సినిమా హిట్ అయినట్టే. ఎందుకంటే పాటలు రీచ్ అయితే సినిమా కూడా ఎక్కువ శాతం రీచ్ అయినట్టే. అలాగే లాక్ డౌన్ తర్వాత మొదట విడుదల అయిన ఈ పాటని సంగీత దర్శకుడు దేవి శ్రీ ప్రసాద్ సంగీత దర్శకుడిగా తనకి మొదటి పాట పాడిన బాల సుబ్రహ్మణ్యం గారికి అంకితం చేసాడు. సుకుమార్ రైటింగ్స్ పేరుతో, సుకుమార్ కథ స్క్రీన్ ప్లే అందించిన ఈ సినిమాకి సుకుమార్ అసిస్టెంట్ డైరెక్టర్ బుచ్చిబాబు దర్శకత్వం వహించాడు. మైత్రి మూవీ మేకర్స్ నిర్మాణంలో రాబోతున్న ఈ సినిమాపై అంచనాలు బాగానే ఉన్నాయి.