టాలీవుడ్: టాలీవుడ్ లో అగ్ర నిర్మాణ సంస్థలు చాలానే ఉన్నాయి. కొన్ని సంస్థలు మంచి సినిమాలు చేసుకుంటూ దాదాపు 25 సంవత్సరాలుగా, కొన్ని 50 సంవత్సరాలుగా సినిమాలు తీస్తూ వస్తున్నారు. ఒక ఆరు సంవత్సరాల క్రితం ప్రారంభం అయిన ఒక సంస్థ వరుస బ్లాక్ బస్టర్ లు సాధిస్తూ ప్రస్తుతం ఇండస్ట్రీ లో ఉన్న టాప్ హీరో లతో క్రేజీ మూవీస్ లాక్ చేసి, కొన్ని షూటింగ్ లు చేస్తూ బిజీ గా ఉంది. పెద్ద నిర్మాణసంస్థలు మహా అయితే ఒకే సారి రెండు పెద్ద హీరో సినిమాలు చేశాయి కానీ ఒకే సారి 8 సినిమాలని లాక్ చేసి ముందడుగు వెయ్యలేదు. ఇప్పటి వరకు మంచి ప్లానింగ్ తో హైయెస్ట్ సక్సెస్ రేట్ తో ఉప్పెన సినిమాతో సొంత డిస్ట్రిబ్యూషన్ స్టార్ట్ చేసిన ‘మైత్రి మూవీ మేకర్స్‘ ప్రస్తుతం ఫుల్ ఫార్మ్ లో దూసుకెళ్తున్నారు.
ఈ సంవత్సరం ‘ఉప్పెన’ సక్సెస్ తో నిర్మాతలుగానే కాకుండా డిస్ట్రిబ్యూటర్స్ గా కూడా చాలా లాభాలు ఆర్జించారు. ప్రస్తుతం మహేష్ బాబు తో సర్కారు వారి పాటని, అల్లు అర్జున్ సుకుమార్ కాంబినేషన్ లో రూపొందుతున్న పుష్ప సినిమాని, నాని హీరో గా రూపొందుతున్న ‘అంటే సుందరానికి’ సినిమాని మైత్రి వారు నిర్మిస్తున్నారు. వీటితో పాటు పవన్ కళ్యాణ్ – హరీష్ శంకర్ కాంబినేషన్ లో రూపొందుతున్న సినిమాని , చిరంజీవి -బాబీ కాంబినేషన్ లో రూపొందుతున్న సినిమాని, విజయ్ దేవరకొండ – శివ నిర్వాణ కాంబినేషన్ లో రూపొందబోయే సినిమాని మైత్రి వారు నిర్మిస్తున్నారు. ఇవే కాకుండా ఎన్ఠీఆర్ – ప్రశాంత్ నీల్ , బాలకృష్ణ – గోపి చంద్ మలినేని కాంబినేషన్ లలో రూపొందబోయే సినిమాలతో పాటు ప్రభాస్ నటించబోయే మరో సినిమాని కూడా నిర్మించబోతున్నట్టు టాక్ నడుస్తుంది. ఏది ఏమైనా ఒక చిన్న నిర్మాణ సంస్థ గా ప్రారంభించి కంటెంట్ ని మాత్రమే నమ్ముకుని సినిమాలు తీస్తే ఎలాంటి స్టేజ్ కి రావచ్చని మైత్రి వారు మరోసారి నిరూపించారు.