స్పోర్ట్స్ డెస్క్: భారతీయ షూటర్ అభినవ్ బింద్రా కు ‘ఒలింపిక్ ఆర్డర్’ అవార్డు ప్రదానం చేయడం విశేషమైన గౌరవం. ఈ గౌరవం అంతర్జాతీయ ఒలింపిక్ కమిటీ (ఐఓసీ) నుండి వచ్చింది, ఇది ఒలింపిక్ ఉద్యమానికి చేసిన అత్యుత్తమ సేవలకోసం అందించే అత్యున్నత పురస్కారం.
ఈ విషయాన్ని కేంద్ర క్రీడలు, యువజన వ్యవహారాల మంత్రి మన్సుఖ్ మాండవియా సోషల్ మీడియా ద్వారా ప్రకటించారు.
అభినవ్ బింద్రా 2008 బీజింగ్ ఒలింపిక్స్‌లో పురుషుల 10 మీటర్ల ఎయిర్ రైఫిల్ విభాగంలో స్వర్ణ పతకం గెలిచిన మొదటి భారతీయుడు.
అతని క్రీడా ప్రస్థానంలో అనేక విజయాలు సాధించి, భారత దేశానికి గర్వకారణంగా నిలిచారు.
అగస్ట్ 10న ప్యారిస్‌లో జరగబోయే 142వ ఐవోసీ సెషన్‌లో ఈ అవార్డును బింద్రాకు ప్రదానం చేయనున్నారు.
బింద్రా ఒలింపిక్స్‌లో మాత్రమే కాకుండా, కామన్వెల్త్ గేమ్స్, ఆసియా క్రీడలలో కూడా అనేక పతకాలు గెలుచుకున్నారు.
అభినవ్ బింద్రా అందుకున్న ఈ గౌరవం, అతని స్ఫూర్తిదాయక ప్రస్థానం, యువ షూటర్లకు ప్రేరణగా నిలుస్తుంది.