అన్నమయ్య జిల్లాలో యాసిడ్ దాడి – కఠిన చర్యలకు సీఎం చంద్రబాబు ఆదేశం

అన్నమయ్య జిల్లాలో యాసిడ్ దాడి కేసులో కఠిన చర్యలకు సీఎం చంద్రబాబు ఆదేశం.

ఆంధ్రప్రదేశ్ రాష్ట్రంలోని అన్నమయ్య జిల్లా (Annamayya District)లో యాసిడ్ దాడి ఘటన తీవ్ర కలకలం రేపింది. గుర్రంకొండ మండలం ప్యారంపల్లె గ్రామానికి చెందిన డిగ్రీ విద్యార్థినిపై ఓ యువకుడు ప్రేమ విఫలమయ్యిందన్న కోపంతో కత్తితో దాడి చేసి, అనంతరం యాసిడ్ పోసి పరారయ్యాడు. ఈ దాడిని తీవ్రంగా ఖండించిన ముఖ్యమంత్రి చంద్రబాబు నాయుడు (Chandrababu Naidu) బాధితురాలికి న్యాయం జరిగేలా కఠిన చర్యలు తీసుకోవాలని అధికారులను ఆదేశించారు.

ఘటనపై సీఎం చంద్రబాబు తీవ్ర ఆగ్రహం

• ఘటనపై ముఖ్యమంత్రి చంద్రబాబు తీవ్ర ఆగ్రహం వ్యక్తం చేశారు.
• నిందితుడిని త్వరగా అరెస్ట్ చేసి కఠినంగా శిక్షించేందుకు చర్యలు తీసుకోవాలని అధికారులను ఆదేశించారు.
• బాధితురాలికి అత్యుత్తమ వైద్య సేవలు అందించాలని, చికిత్సకు అవసరమైన అన్ని ఏర్పాట్లు చేయాలని ప్రభుత్వ అధికారులను ఆదేశించారు.
• ప్రభుత్వం బాధిత కుటుంబానికి అండగా ఉంటుందని హామీ ఇచ్చారు.

మంత్రి నారా లోకేశ్ దిగ్బ్రాంతి

• రాష్ట్ర ఐటీ, పురపాలక శాఖ మంత్రి నారా లోకేశ్ (Nara Lokesh) ఈ ఘటనపై తీవ్ర దిగ్భ్రాంతి వ్యక్తం చేశారు.
• బాధిత యువతికి వైద్యసాయం అందించేందుకు ప్రభుత్వ అన్ని చర్యలూ తీసుకొంటుందని తెలిపారు.
• నిందితుడిని కఠినంగా శిక్షించేందుకు చర్యలు తీసుకుంటామని, ఇలాంటి ఘటనలు పునరావృతం కాకుండా పోలీసు శాఖ మరింత కఠిన చర్యలు చేపట్టాలని ఆదేశించారు.

నిందితుడిపై కఠిన చర్యలు

• దాడి చేసిన వ్యక్తిని గణేష్‌గా గుర్తించిన పోలీసులు అతనిపై కేసు నమోదు చేశారు.
• పోలీసులు ప్రత్యేక బృందాలను ఏర్పాటు చేసి నిందితుడి కోసం గాలింపు చర్యలు ముమ్మరంగా చేపట్టారు.