హైదరాబాద్: నటి కస్తూరి: తమిళనాడులో స్థిరపడిన తెలుగు ప్రజలపై వివాదాస్పద వ్యాఖ్యలు చేసిన సినీ నటి కస్తూరిని చెన్నై పోలీసులు హైదరాబాద్‌లో అరెస్ట్ చేశారు.
“300 ఏళ్ల క్రితం తమిళ రాజుల సేవకు తెలుగు స్త్రీలు వచ్చారని, ఇప్పుడు తమదే తమిళ జాతి అని చెప్పుకుంటున్నారు” అని కస్తూరి చేసిన వ్యాఖ్యలు తీవ్ర విమర్శలకు దారితీశాయి.
ఈ వ్యాఖ్యలపై తమిళనాడులో పలు చోట్ల కేసులు నమోదు అయ్యాయి. తెలుగువారిపై చేసిన వ్యాఖ్యలకు కస్తూరి క్షమాపణలు చెప్పినప్పటికీ, ఆగ్రహజ్వాలలు చల్లారలేదు. అటు, కస్తూరి దాఖలు చేసిన ముందస్తు బెయిల్ పిటిషన్‌ను మద్రాస్ హైకోర్టు తిరస్కరించింది.
తాజాగా, పరారీలో ఉన్న కస్తూరిని హైదరాబాద్ నార్సింగిలో చెన్నై పోలీసులు అదుపులోకి తీసుకున్నారు. ఈ రోజు చెన్నై ఎగ్మోర్ పోలీసు బృందం ప్రత్యేకంగా హైదరాబాద్‌కు చేరుకుని ఆమెను అరెస్ట్ చేసింది. అనంతరం కస్తూరిని చెన్నైకి తరలిస్తున్నారు.
తెలుగు ప్రజల ఆగ్రహానికి గురైన కస్తూరి చేసిన వ్యాఖ్యలు తమిళనాడు రాజకీయాలు, సామాజిక వర్గాలలో పెద్ద దుమారమే రేపాయి. ఈ ఘటనపై చర్చలు కొనసాగుతుండగా, కస్తూరి అరెస్టు పరిమితికి ముగింపు వేస్తుందా లేదా అనేది చూడాల్సి ఉంది.