మూవీడెస్క్: అక్కినేని అఖిల్, హిట్ కోసం కాస్త బ్రేక్ తీసుకుని, మరో ప్రేమకథతో ప్రేక్షకుల ముందుకి రాబోతున్నాడు.
ఇప్పటి వరకు ఐదు సినిమాల్లోనూ ఒకటే హిట్ అందుకున్న అఖిల్, చివరి చిత్రం ఏజెంట్ భారీ డిజాస్టర్ కావడంతో తన కెరీర్ గురించి సీరియస్‌గా ఆలోచిస్తున్నాడు.
ఇప్పుడాయన మళ్ళీ హోమ్ బ్యానర్‌లో మురళీ కిషోర్ అబ్బూరుతో లవ్ స్టోరీని ప్లాన్ చేసుకున్నాడు.
ఈ కొత్త చిత్రం రాయలసీమ బ్యాక్‌డ్రాప్‌లో, పీరియాడికల్ లవ్ స్టోరీగా ఉంటుందని సమాచారం. ఫ్యాక్షన్ అంశాలు లేకుండా కొత్త పాయింట్‌తో కథను ప్రెజెంట్ చేయనున్నట్లు తెలుస్తోంది.
ఇప్పటికే స్క్రిప్ట్ వర్క్ పూర్తవడంతో త్వరలోనే ఈ ప్రాజెక్ట్‌పై అధికారిక ప్రకటన వచ్చే అవకాశం ఉంది.
ఇది కాకుండా యూవీ క్రియేషన్స్‌తో భారీ యాక్షన్ ఎలిమెంట్స్ ఉన్న చిత్రం కూడా అఖిల్ లైన్‌లో ఉందని టాక్.
అయితే, మొదట ఈ లవ్ స్టోరీని పూర్తిచేసి ప్రేక్షకులను మెప్పించి, తరువాత యాక్షన్ సినిమా చేయాలని అఖిల్ డిసైడ్ అయ్యాడని సమాచారం.