టాలీవుడ్: సుజనా రావు దర్శకత్వం వహిస్తున్న రియల్ లైఫ్ డ్రామా ”గమనం” చిత్రంలో శ్రియా శరణ్ ప్రధాన పాత్రలో నటిస్తున్నారు. తెలుగు, తమిళ, కన్నడ, మలయాళం, హిందీ భాషల్లో పాన్ ఇండియా సినిమాగా ఈ సినిమా రూపొందుతోంది. ఈ చిత్రం నుండి ఇదివరకే శ్రియ, నిత్య మీనన్ కి సంబందించిన ఫస్ట్ లుక్స్ ని విడుదల చేసారు. ఇప్పుడు ఈ సినిమాలో మరో రెండు పాత్రలు వేస్తున్న టాక్సీ వాలా ఫేమ్ ‘ప్రియాంక జవాల్కర్’, మరియు ‘శివ కందుకూరి’ ల ఫస్ట్ లుక్ విడుదల చేసారు సినిమా టీం.
ఈ సినిమాలో ‘అలీ’ అనే పాత్రలో శివ కందుకూరి నటిస్తున్నాడు. ఫస్ట్ లుక్ ని బట్టి చూస్తే ఇందులో ఒక క్రికెటర్ పాత్రలో కనిపిస్తున్నట్టు అర్ధం అవుతుంది. ప్రియాంక జవాల్కర్ ‘జరా’ పాత్రలో ఒక సాంప్రదాయ ముస్లిం పాత్రలో కన్పిస్తున్నట్టు తెలుస్తుంది. ”గమనం” చిత్రానికి మాస్ట్రో ఇళయరాజా సంగీతం ప్రత్యేక ఆకర్షణ అని చెప్పుకోవచ్చు. అలాగే తెలుగు లో టాప్ మోస్ట్ డైలాగ్ రైటర్ సాయి మాధవ్ బుర్ర ఈ సినిమాకి మాటలు అందిస్తున్నారు. జ్ఞానశేఖర్ ఈ సినిమాకి సినిమాటోగ్రాఫర్ మాత్రమే కాకుండా ఒక నిర్మాత కూడా. రమేష్ కరుటూరి – వెంకీ పుషడపు లతో కలిసి జ్ఞానశేఖర్ ఈ సినిమాని నిర్మిస్తున్నారు.