మూవీడెస్క్: హిట్ మెషిన్ అనిల్ రావిపూడి ఇటీవల సంక్రాంతికి వస్తున్నాంతో మరో భారీ విజయాన్ని అందుకున్నాడు.
వెంకటేష్‌తో హ్యాట్రిక్ హిట్ కొట్టిన అనిల్, ఇప్పుడు మెగాస్టార్ చిరంజీవితో తన నెక్ట్స్ ప్రాజెక్ట్‌ను సిద్ధం చేస్తున్నాడు.
ఈ సినిమా పూర్తి కామెడీ ఎంటర్‌టైనర్‌గా రాబోతుందని, ఇందులో చిరు వింటేజ్ మాస్ లుక్‌లో కనిపించనున్నాడని సమాచారం.
తాజాగా ఈ సినిమాకు సంక్రాంతి అల్లుడు అనే టైటిల్ ఫిక్స్ చేసినట్లు టాలీవుడ్ వర్గాల్లో వార్తలు చక్కర్లు కొడుతున్నాయి.
చిరంజీవి సూపర్ హిట్ సినిమా రౌడీ అల్లుడు తరహాలో ఈ సినిమాలోనూ చిరు మాస్ అవతారం దుమ్ములేపుతుందని టాక్.
ఇప్పటికే అనిల్ రావిపూడి తనదైన మార్క్ టైటిల్స్‌తో ప్రేక్షకులను ఆకట్టుకున్నాడు.
ఈసారి కూడా సంక్రాంతి అల్లుడు టైటిల్ ఫిక్స్ అయితే, ఇది అభిమానులలో భారీ అంచనాలు నెలకొల్పేలా ఉంది.
అయితే ఈ టైటిల్ నిజమేనా? అనేది అనిల్ రావిపూడి లేదా చిత్రబృందం అధికారిక ప్రకటన తర్వాతే తెలుస్తుంది.
చిరు – అనిల్ కాంబోలో పక్కా మాస్ ఎంటర్‌టైనర్ రాబోతుందనడంలో మాత్రం ఎలాంటి సందేహం లేదు.