హైదరాబాద్: శంషాబాద్ ఎయిర్‌పోర్టులో మరో కొత్త టెర్మినల్ త్వరలో రానుంది.
రద్దీ కారణంగా మరో టెర్మినల్
హైదరాబాద్ శంషాబాద్ ఇంటర్నేషనల్ ఎయిర్‌పోర్టులో ప్రయాణికుల రద్దీ పెరుగుతుండటంతో కొత్త టెర్మినల్‌ను ప్రారంభించేందుకు జీఎంఆర్ గ్రూప్‌ ప్రణాళికలు సిద్ధం చేసింది. GMR గ్రూప్‌ సౌత్‌ ఈడీ ఎస్‌జీకే కిశోర్ ప్రకారం, ప్రయాణికుల సంఖ్య 4.5 కోట్లకు చేరుకున్న తర్వాత రెండో టెర్మినల్‌ను అందుబాటులోకి తీసుకురానున్నారు.
ప్రస్తుతం ప్రయాణికుల సంఖ్య
ప్రస్తుతం శంషాబాద్ ఎయిర్‌పోర్టు ద్వారా 3 కోట్ల మంది ప్రయాణికులు సంవత్సరానికి ప్రయాణిస్తున్నారు. దేశంలో అత్యంత వేగంగా వృద్ధి చెందుతున్న ఎయిర్‌పోర్టుగా ఇది గుర్తింపు పొందింది. ప్రయాణికుల సంఖ్య 4.5 కోట్లకు చేరడానికి ఎక్కువ కలం ఎదురుచూడక్కర్లేదు. రద్దీకి అనుగుణంగా మరిన్ని మౌలిక వసతులను మెరుగుపరచడం ప్రధాన లక్ష్యం.
ఏఐ ఆధారిత సాంకేతికత
శంషాబాద్ ఎయిర్‌పోర్టులో కృత్రిమ మేధ (AI) ఆధారంగా పనిచేసే ఎయిర్‌పోర్ట్ ప్రెడిక్టివ్ ఆపరేషన్ సెంటర్ (APOC) ప్రారంభమైంది. కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు ఈ సదుపాయాన్ని బుధవారం ప్రారంభించారు. ప్రయాణికుల సేవలను మెరుగుపరచడానికి డిజిటల్ ట్విన్ ప్లాట్‌ఫామ్ అనే కొత్త విధానాన్ని ప్రవేశపెట్టారు.
భద్రతపై ప్రత్యేక దృష్టి
విమానాలకు బెదిరింపు కాల్స్ పెరుగుతున్న నేపథ్యంలో, శంషాబాద్ ఎయిర్‌పోర్టు భద్రతపై ప్రత్యేక చర్యలు తీసుకుంది. సైబర్ భద్రతను కూడా పకడ్బందీగా అమలు చేయడం ప్రారంభమైందని ఎస్‌జీకే కిశోర్ పేర్కొన్నారు.
విమానయాన రంగం పురోగతి
కేంద్ర మంత్రి రామ్మోహన్ నాయుడు ప్రకారం, 2010లో 65 లక్షల మంది ప్రయాణికులతో ఉన్న ఈ ఎయిర్‌పోర్టు, ప్రస్తుతం ఏడాదికి 3 కోట్ల మందిని వివిధ అంతర్జాతీయ గమ్యస్థానాలకు చేరుస్తోంది. అప్పట్లో రోజుకు 220 విమాన సర్వీసుల నుంచి నేడు 550 విమాన సర్వీసుల స్థాయికి వృద్ధి చెందడం ఇది సాధించిన అభివృద్ధి.
వివిధ ప్రాజెక్టులపై దృష్టి
రామ్మోహన్ నాయుడు మాట్లాడుతూ, దేశవ్యాప్తంగా వచ్చే 5 ఏళ్లలో 50 కొత్త విమానాశ్రయాలను నిర్మించడమే కేంద్ర ప్రభుత్వ ప్రధాన లక్ష్యమని చెప్పారు. “హవాయి చెప్పల్ సే హవాయి సఫర్” నినాదంతో భారత విమానయాన రంగాన్ని మరింత ముందుకు తీసుకెళ్తామని వెల్లడించారు. వరంగల్ ఎయిర్‌పోర్టు పనులను త్వరగా పూర్తి చేయడానికి కృషి చేస్తున్నట్లు తెలిపారు.
ప్రయాణికులకు మెరుగైన అనుభవం
ఇప్పటి వరకు ఉన్న మౌళిక వసతులతో పాటు, రద్దీని తగ్గించేందుకు కొత్త టెర్మినల్ ప్రారంభం ప్రయాణికులకు మరింత నాణ్యమైన సేవలను అందించనుంది. ఈ టెర్మినల్ ప్రారంభం ద్వారా హైదరాబాద్ విమానాశ్రయం ప్రతిష్ఠను మరింత ఇనుమడించనుంది.