టాలీవుడ్: డాన్స్ మాస్టర్ గా ప్రయాణం ప్రారంభించి తర్వాత హీరోగా , డైరెక్టర్ గా, నిర్మాతగా ఇలా ఇండస్ట్రీ లో ఆన్ ది స్క్రీన్ మాత్రమే కాకుండా ఆఫ్ ది స్క్రీన్ కూడా రక రకాల పాత్రలు పోషించే వాళ్ళు కొంత మంది ఉంటారు. అందులో ముఖ్యంగా చెప్పుకోవాల్సింది ప్రభుదేవా, రాఘవ లారెన్స్. ఇపుడు టాలీవుడ్ డాన్స్ మాస్టర్ ‘జానీ మాస్టర్‘ కూడా ఆ బ్యాచ్ లో జాయిన్ అవనున్నాడు. జానీ మాస్టర్ హీరోగా ప్రస్తుతం ఒక సినిమా రూపొందుతుంది. ఈ సినిమా ప్రారంభోత్సవం ఈ రోజు రామానాయుడు స్టూడియోస్ లో జరిగింది. ఈ సినిమా మొదటి షాట్ వీవీ వినాయక్ క్లాప్ కొత్తగా నాగబాబు గారు కెమెరా స్విచ్ ఆన్ చేసి షూట్ మొదలు పెట్టారు.
ఇంకా పేరు పెట్టని ఈ సినిమాకి J1 (వర్కింగ్ టైటిల్) అనే టైటిల్ ని పరిశీలిస్తున్నారు. సుజి విజువల్స్ బ్యానర్ పై కే వెంకట రమణ ఈ సినిమాని నిర్మిస్తున్నారు. మురళి రాజ్ తియ్యన అనే నూతన దర్శకుడు ఈ సినిమాకి కథ, స్క్రీన్ ప్లే మరియు దర్శకత్వం వహించనున్నారు. తెలుగులో చాలా రోజుల తర్వాత ‘రధాన్’ ఈ సినిమాకి సంగీతం అందించనున్నాడు. తెలుగు లో టాప్ డాన్సర్స్ అయిన రామ్ చరణ్, అల్లు అర్జున్, జూనియర్ ఎన్టీఆర్ లకి సూపర్ హిట్ డాన్స్ నంబర్స్ ఇచ్చిన జానీ మాస్టర్ ఈ సినిమాతో హీరోగా విజయవంతం అవ్వాలని ఆశిద్దాం.