హైదరాబాద్‌: రెండు డోసుల వ్యాక్సిన్ తీసుకున్నప్పటికీ అపోలో జేఎండీ సంగీతారెడ్డికి కరోనా వైరస్ సోకింది. తాను రెండు డోసుల వ్యాక్సిన్ తీసుకున్న తర్వాత కూడా ఈ నెల అనగా జూన్‌ 10న కోవిడ్‌-19 బారిన పడినట్లు సంగీతారెడ్డి ట్వీట్‌ ద్వారా తెలిపారు. రెండు డోసుల వ్యాక్సిన్ తీసుకున్న తరువాత కూడా అన్ని జాగ్రత్తలు పాటించాను అయినా నాకు కరోనా సోకడం షాక్‌కు గురి చేసిందని తెలిపారు.
అయితే కరోనా విషయంలో వ్యాధినిర్ధారణ మరియు చికిత్స, ఈ రెండూ చాలా కీలకమైన అంశాలని ఆమె తెలిపారు. కరోనా సోకిన తరువాత విపరీతమైన జ్వరం రావడంతో తాను ఆస్పత్రిలో చేరానని ఆమె తెలిపారు. అయితే కాక్టెయిల్ ట్రీట్మెంట్, రీజెనెరాన్ థెరపీద్వారా ప్రస్తుతం తను కోలుకుంటున్నాను అని తెలిపారు.
ఈ నేపథ్యంలో ఆమె వ్యాక్సిన్ కరోనాను పూర్తిగా అడ్డుకోలేదు, అయితె శరీరంపై వైరస్ ప్రభావం తీవ్రం కాకుండా మాత్రం నిరోధిస్తుందని సంగీతారెడ్డి తెలిపారు. కాబట్టి అందరూ వ్యాక్సిన్ తీసుకున్న తర్వాత కూడా తగు జాగ్రత్తలు మరవొద్దు అని ట్వీట్‌ చేశారు. ఈ సందర్భంగా తనకు అండగా నిలిచిన డాక్టర్లు, నర్సులకు ఆమె కృతజ్ఞతలు తెలిపారు.