కోలీవుడ్: చిన్న నటుడిగా ప్రయత్నాలు మొదలుపెట్టి మంచి సక్సెస్ సాధించి ప్రస్తుతం వరుస సినిమాలు లైన్ లో పెట్టాడు. కరోనా కి ముందు ‘ఓహ్ మై కడవులే’ అనే సూపర్ సక్సెస్ సాధించి కోలీవుడ్ లో టాక్ అఫ్ ఇండస్ట్రీ అయ్యాడు అశోక్ సెల్వన్. లాక్ డౌన్ టైం లో ‘నిన్నిలా నిన్నిలా’ అంటూ నిత్యా మీనన్, రీతూ వర్మ తో కలిసి నటించిన ఒక సినిమా విడుదల చేసారు. ఈ సినిమా క్రిటిక్స్ ని మెప్పించింది. ఈ సినిమాలో అశోక్ సెల్వన్ , నిత్యా మీనన్ నటనని అందరూ మెచ్చుకున్నారు. ప్రస్తుతం అశోక్ సెల్వన్ మరో కొత్త సినిమా మొదలు పెట్టారు. అశోక్ సెల్వన్ 15 వ సినిమాగా ఈ సినిమా రూపొందుతుంది.
సినిమా ప్రకటనలో ‘నువ్వు ఎక్కడ ముగుస్తుంది అని అనుకుంటావో అక్కడే మొదలవుతుంది’ అని బ్యాక్ డ్రాప్ లో ఒక హిల్ ఏరియా ని చూపించారు. సినిమా అంనౌన్స్మెంట్ లోనే ఒక మంచి కూల్ బజ్ కనిపిస్తుంది. ఈ సినిమాలో అశోక్ సెల్వన్ తో పాటు రీతూ వర్మ, రాజా శేఖర్ కుమార్తె శివాత్మిక , ‘ఆకాశం నీ హద్దురా’ ఫేమ్ అపర్ణ బాల మురళి హీరోయిన్ లుగా నటిస్తున్నారు. వయాకామ్ స్టూడియోస్ , రీసీస్ట్ బ్యానర్స్ పై ఈ సినిమా నిర్మించబడనుంది. గోపి సుందర్ లాంటి ఫీల్ గుడ్ మ్యూజిక్ ఇచ్చే కంపోజర్ ఈ సినిమాకి పని చేయనున్నాడు. దుల్కర్ సల్మాన్ తో ‘వాన్ ‘ అనే సినిమా రూపొందిస్తున్న ఆర్. కార్తీక్ ఈ సినిమాని డైరెక్ట్ చేస్తున్నాడు.