లండన్: కొనసాగుతున్న ట్రయల్స్ విజయవంతమైతే బ్రిటిష్-స్వీడిష్ ఫార్మా దిగ్గజం ఆస్ట్రాజెనెకా సెప్టెంబరులో రెండు బిలియన్ మోతాదుల కరోనా వైరస్ వ్యాక్సిన్‌ను విడుదల చేయనున్నట్లు చీఫ్ ఎగ్జిక్యూటివ్ ఆఫీసర్ శుక్రవారం తెలిపారు.
వాక్సిన్ కు మార్గదర్శకత్వం వహించిన ఆక్స్ఫర్డ్ విశ్వవిద్యాలయంతో కంపెనీ భాగస్వామ్యం కలిగి ఉంది, మరియు రాబోయే నెలల్లో పరీక్ష ముగిసిన తర్వాత తుది నియంత్రణ ఆమోదం పొందే ముందు మోతాదులను తయారు చేస్తుంది.
“ఇప్పటివరకు మేము ఇంకా ట్రాక్‌లో ఉన్నాము… ప్రస్తుతం ఈ వ్యాక్సిన్‌ను తయారు చేయడం మొదలుపెడుతున్నాము మరియు ఫలితాలను పొందే సమయానికి దీనిని ఉపయోగించుకోవడానికి మేము సిద్ధంగా ఉండాలి” అని ఆస్ట్రాజెనెకా చీఫ్ ఎగ్జిక్యూటివ్ పాస్కల్ సోరియట్ బిబిసి రేడియోతో అన్నారు.
మా ప్రస్తుత అంచనా ప్రకారం వేసవి చివరి నాటికి, అంటే ఆగస్టు లో డేటా పరిశీలించి తరువాత సెప్టెంబరులో మనకు వ్యాక్సిన్ యొక్క ప్రభావం తెలుస్తుంది. కోవిడ్-19 వ్యాక్సిన్ ఉత్పత్తి సామర్థ్యాన్ని రెండు బిలియన్ మోతాదులకు రెట్టింపు చేయడానికి ఫర్ ఎపిడెమిక్ ప్రిపరేడ్‌నెస్ ఇన్నోవేషన్స్ (సిఇపిఐ) మరియు సీరం ఇన్స్టిట్యూట్ ఆఫ్ ఇండియాతో ఒప్పందాలు కుదుర్చుకున్నట్లు సంస్థ ఈ వారం ప్రకటించింది. ప్రపంచంలోని అతి పెద్ద వాక్సిన్ తయారీదారులలో ఒకరైన భారతీయ సంస్థతో భాగస్వామ్యం తక్కువ మరియు మధ్య-ఆదాయ దేశాలకు పెద్ద సంఖ్యలో సరఫరా చేయడానికి సహాయపడుతుంది. ఆస్ట్రాజెనెకా ఈ వాక్సిన్ కోసం యూరప్, యునైటెడ్ స్టేట్స్, ఇండియాలో ప్రత్యేక సరఫరా గొలుసులను ఏర్పాటు చేసిందని చైనాలో ఉత్పత్తిని ఏర్పాటు చేయాలని కూడా చూస్తున్నట్లు సోరియట్ చెప్పారు. లాభాపేక్షలేని ప్రాతిపదికన పనులు చేపడుతున్న ఆస్ట్రాజెనెకా ఈ ట్రయల్స్ కనుక నిరాశపరిచినట్లయితే డబ్బును కోల్పోయే అవకాశం ఉంది.
అయితే కంపెనీ ఆర్థిక నష్టాన్ని సిపిఐ వంటి సంస్థలతో పంచుకుంటుందని ఆయన అన్నారు.
ఆక్స్ఫర్డ్ విశ్వవిద్యాలయం కోవిడ్-19 టీకా యొక్క ప్రారంభ పరీక్షలను ఏప్రిల్‌లో వందలాది మంది వాలంటీర్లతో ప్రారంభించింది మరియు ఇప్పుడు వాటిని 10,000 మంది పాల్గొనేలాగ విస్తరిస్తోంది. ఈ వారంలో జూన్ మధ్యలో బ్రెజిల్‌లో కూడా పరీక్షలు ప్రారంభిస్తామని పరిశోధకులు ప్రకటించారు.