న్యూఢిల్లీ: ఆమ్ ఆద్మీ పార్టీ (ఆప్) నాయకురాలు ఆతిశీ, దిల్లీ 17వ మహిళా ముఖ్యమంత్రిగా ప్రమాణ స్వీకారం చేశారు. లెఫ్టినెంట్ గవర్నర్ వీకే సక్సేనా ఆమెతో శనివారం సాయంత్రం ఈ ప్రమాణ స్వీకారం చేయించారు.
ఆతిశీ ప్రస్తుతం ఆర్థిక, విద్య, పీడబ్ల్యూడీ, రెవెన్యూ సహా పలు శాఖల మంత్రిగా బాధ్యతలు నిర్వర్తిస్తున్నారు. కేజ్రీవాల్ రాజీనామా తరువాత, ఆప్ ఎమ్మెల్యేలు ఆమెను ఏకగ్రీవంగా ముఖ్యమంత్రిగా ఎన్నుకున్నారు. దిల్లీ ముఖ్యమంత్రి పదవిని చేపట్టిన అతి పిన్న వయస్కురాలైన మహిళగా ఆతిశీ చరిత్ర సృష్టించారు.
ఫిబ్రవరిలో జరిగే దిల్లీ శాసనసభ ఎన్నికల్లో, ఆమ్ ఆద్మీ పార్టీ జాతీయ సమన్వయకర్త కేజ్రీవాల్‌ను మళ్లీ ముఖ్యమంత్రిగా గెలిపించాలని ప్రజలను కోరుతూ, ఆతిశీ తన తొలి ప్రసంగంలో బీజేపీపై తీవ్రంగా విమర్శలు గుప్పించారు. ఆమె బీజేపీపై కుట్ర ఆరోపణలు చేస్తూ, ఆప్ ప్రభుత్వ పథకాలు రద్దు చేసే ప్రమాదం ఉందని హెచ్చరించారు.
ఆతిశీని మరో ఐదుగురు మంత్రులు – గోపాల్ రాయ్, కైలాస్ గహ్లోత్, సౌరభ్ భరద్వాజ్, ఇమ్రాన్ హుస్సేన్, ముకేశ్ అహ్లావత్ – ప్రమాణం చేశారు.
ఆతిశీ మార్లేనా సింగ్ – నాయకత్వంలో నూతన మార్గదర్శి
ఆతిశీ 1981లో ప్రొఫెసర్ల కుటుంబంలో జన్మించారు. ఆమె పేరులో ‘మార్లేనా’ అనే పదం మార్క్స్, లెనిన్ వంటి మహనీయుల పేర్లను కలిపి ఏర్పడినది. 2013లో రాజకీయాల్లోకి అడుగుపెట్టిన ఆతిశీ, దిల్లీ ప్రభుత్వ పాఠశాలల్లో సంస్కరణలకు ప్రముఖంగా దోహదపడ్డారు. సౌరభ్ భరద్వాజ్‌తో కలిసి, ఆప్ పార్టీని ముందుకు నడిపిన ఆమె, ఆ పార్టీ ప్రతిష్ఠను నిలబెట్టే కృషి చేస్తున్నారు.
దిల్లీ చరిత్రలో మహిళా నాయకత్వం
ఆతిశీ దిల్లీని పాలించిన మూడవ మహిళా ముఖ్యమంత్రిగా నిలిచారు. షీలా దీక్షిత్, సుష్మా స్వరాజ్ వంటి మహిళా నేతల తరువాత, అత్యంత పిన్న వయసులో ఈ పదవిని చేపట్టిన ఆతిశీ తన కృషితో ప్రజల మన్ననలు పొందుతున్నారు. ఆమెకు ముందుగా, పశ్చిమ బెంగాల్ సీఎం మమతా బెనర్జీ ఒక్కరే దేశంలో ప్రస్తుత మహిళా సీఎం.