మూవీడెస్క్: అల్లరి నరేష్ ప్రధాన పాత్రలో రూపొందిన బచ్చలమల్లి సినిమా విడుదలకు ముందే నిర్మాతలకు లాభాలు తెచ్చింది.
ఈ చిత్రం డిసెంబర్ 20న ప్రేక్షకుల ముందుకు రానుంది.
అయితే, ఇప్పటికే థియేట్రికల్, ఓటీటీ, శాటిలైట్ హక్కులు కలిపి రూ.16 కోట్లకు అమ్ముడవడంతో, రూ.15 కోట్ల బడ్జెట్‌తో నిర్మించిన ఈ సినిమాకు విడుదలకు ముందే టేబుల్ ప్రాఫిట్ వచ్చినట్లు తెలుస్తోంది.
‘బచ్చలమల్లి’ మొదటి లుక్‌, గ్లింప్స్‌ విడుదలైన దగ్గర నుంచే సినిమాపై మంచి ఆసక్తి పెరిగింది. నరేష్ కొత్త గెటప్‌, ఇంట్రెస్టింగ్ కంటెంట్‌ ఈ సినిమాను ప్రత్యేకంగా నిలబెట్టాయి.
హాస్య మూవీస్ బ్యానర్‌పై నిర్మితమైన ఈ చిత్రం, నిర్మాత రాజేష్ దండాకు టేబుల్ ప్రాఫిట్ అందించడంతో, బజ్ మరింతగా పెరిగింది.
డిసెంబర్ 20న పెద్ద సినిమాలేవి లేకపోవడం, ప్రీ-రిలీజ్‌ హైప్‌ కలగలిపి ఈ సినిమాకు మంచి ఓపెనింగ్స్ వచ్చే అవకాశం ఉంది.
‘గేమ్‌ ఛేంజర్’ వాయిదా పడటంతో ‘బచ్చలమల్లి’కు మరిన్ని థియేటర్లు దొరకనున్నాయి.
త్వరలోనే టీజర్ విడుదల చేసి ప్రమోషన్స్‌ను మరింత వేగవంతం చేయాలని చిత్రబృందం యోచిస్తోంది.
తక్కువ బడ్జెట్‌తో ఉన్నతమైన కంటెంట్‌తో తెరకెక్కిన ‘బచ్చలమల్లి’ సినిమా నరేష్ కెరీర్‌కు మరో మంచి హిట్‌గా నిలవాలని చిత్రబృందం ఆశిస్తోంది.
కుటుంబ కథా చిత్రాలతో మంచి గుర్తింపు పొందిన నరేష్, ఈ సినిమాతో తన అభిమానులకు సరికొత్త అనుభవాన్ని అందించబోతున్నాడు.