నందమూరి బాలకృష్ణ వరుస బ్లాక్‌బస్టర్‌లతో తన సత్తాను మరోసారి నిరూపించుకుంటున్నారు. ప్రస్తుతం బాలయ్య డాకు మహారాజ్ హిట్‌తో మరోసారి బాక్సాఫీస్‌ను శాసిస్తున్నారు.
మరోవైపు, అఖండ 2తో బోయపాటి శ్రీనుతో మళ్లీ కలవబోతున్నారు. ఈ నేపథ్యంలో గోపీచంద్ మలినేని కాంబినేషన్ మరోసారి తెరపైకి రావడం సినీ ప్రియుల్లో ఆసక్తి కలిగిస్తోంది.
గతంలో వీరసింహారెడ్డి చిత్రంతో ఈ కాంబినేషన్ ప్రేక్షకుల్ని విశేషంగా ఆకట్టుకుంది. మలినేని స్టైల్ మేకింగ్, బాలయ్య మాస్ పెర్ఫార్మెన్స్ ఆ సినిమాకు ప్రత్యేక హైలైట్ అయ్యాయి.
ఈ సక్సెస్ తర్వాత, గోపీచంద్ ప్రస్తుతం బాలీవుడ్ యాక్షన్ స్టార్ సన్నీ డియోల్‌తో జాట్ అనే చిత్రంపై దృష్టి పెట్టారు. అయితే, జాట్ పూర్తి కాగానే బాలయ్యతో మరో మాస్ ఎంటర్‌టైనర్‌ను ప్రారంభించనున్నట్లు టాక్.
ఈ ప్రాజెక్ట్ సమ్మర్‌లో మొదలవుతుందనే సమాచారం ఉంది. నిర్మాతల విషయంలో ఇంకా క్లారిటీ రాలేదని తెలుస్తోంది. చెరుకూరి సుధాకర్, సతీష్ కిలారు వంటి పెద్ద బ్యానర్లు ఈ ప్రాజెక్ట్‌ను నిర్మించేందుకు పోటీ పడుతున్నాయి.
మోక్షజ్ఞ ప్రాజెక్ట్ ఆలస్యం అవ్వడం వల్ల బాలయ్య-మలినేని చిత్రానికి సుధాకర్ ఆహ్వానించబడవచ్చని సమాచారం.