హైదరాబాద్: నందమూరి బాలకృష్ణ తన స్వీయ దర్శకత్వంలో ‘నర్తనశాల’ అనే సినిమాని అప్పట్లో మొదలుపెట్టిన విషయం తెలిసిందే. 2004 లో మొదలు పెట్టిన ఈ సినిమా అనేక అవాంతరాల వలన ఆగిపోయింది. అప్పుడు షూట్ చేసిన కొన్ని సన్నివేశాల్ని అన్నీ కూర్చి ఒక 17 నిమిషాల నిడివి గల వీడియో గా రూపొందించి ఈ దసరా కానుకగా విడుదల చేస్తున్నారు బాలకృష్ణ గారు. ఈ వీడియో ని శ్రేయాస్ ET ఆప్ ద్వారా విడుదల చేయబోతున్నారు. అక్టోబర్ 24న ఇది డిజిటల్ ప్లాట్ ఫామ్ లో విడుదల అవబోతుంది.
ఈ సినిమాకి సంబంధించి బాలకృష్ణ ఫస్ట్ లుక్ ఈరోజు విడుదల అయింది. అలాగే ఇందులోని మిగతా కొన్ని పాత్రల తాలూకు ఫస్ట్ లుక్స్ రేపు విడుదల చేయబోతున్నట్టు కూడా ప్రకటించారు. ఈ సినిమాలో అర్జునుడిగా బాలకృష్ణ, ద్రౌపతి గా సౌందర్య, భీముడిగా శ్రీహరి, ధర్మరాజుగా శరత్ బాబు నటించారు. ఈ సినిమాని శ్రేయాస్ యాప్ లో ఎన్బీకే థియేటర్ లో చూడవచ్చు. టికెట్ ధర మినిమమ్ రూ. 50 పెట్టాలనుకుంటున్నట్టు శ్రేయాస్ అప్ వాళ్ళు తెలిపారు అలాగే టిక్కెట్ల ద్వారా వచ్చిన మొత్తాన్ని బాలకృష్ణ బసవతారకం ట్రస్ట్ కు ఇస్తామని తెలిపారు.