మూవీడెస్క్: సంక్రాంతి సీజన్ టాలీవుడ్ లో బిగ్ సినిమాల కోసం హాట్ సీజన్ గా మారిపోయింది. ఈ సీజన్ లో సినిమా రిలీజ్ అయితే కంటెంట్ బాగున్నా, బాగోలేకపోయినా వసూళ్లు రాబడతాయి.
అందుకే పెద్ద హీరోల నుంచి చిన్న హీరోల వరకూ తమ సినిమాలను సంక్రాంతికి విడుదల చేయాలని భావిస్తారు.
2025 సంక్రాంతికి కూడా పెద్ద సినిమాలు రంగంలోకి దిగుతున్నాయి.
గ్లోబల్ స్టార్ రామ్ చరణ్ నటిస్తున్న ‘గేమ్ చేంజర్’ మూవీని జనవరి 10న విడుదల చేయబోతున్నట్లు మేకర్స్ అధికారికంగా ప్రకటించారు.
శంకర్ దర్శకత్వం, దిల్ రాజు నిర్మాణంలో రూపొందిన ఈ చిత్రంపై మెగా ఫ్యాన్స్ భారీ అంచనాలు పెట్టుకున్నారు.
అలాగే, నందమూరి బాలకృష్ణ నటిస్తున్న ‘NBK109’ మూవీని జనవరి 12న విడుదల చేయనున్నారు.
బాబీ దర్శకత్వంలో ఈ సినిమా సంక్రాంతి బరిలో చేరనుంది.
ఇక విక్టరీ వెంకటేష్ హీరోగా అనిల్ రావిపూడి దర్శకత్వంలో దిల్ రాజు బ్యానర్ లో తెరకెక్కుతోన్న ‘సంక్రాంతికి వస్తున్నాం’ చిత్రం జనవరి 14న ప్రేక్షకుల ముందుకు రానుంది.
క్రైమ్ కామెడీ బ్యాక్ డ్రాప్ లో ఈ సినిమా సరికొత్త రుచిని అందించనుందని టాక్.
ఇవి కాకుండా బెల్లంకొండ సాయి శ్రీనివాస్ నటిస్తున్న మరో చిత్రం కూడా సంక్రాంతికి విడుదలయ్యే అవకాశాలు ఉన్నాయి.
అయితే ప్రధాన పోటీ రామ్ చరణ్, బాలకృష్ణ, వెంకటేష్ మధ్యే ఉండేలా కనిపిస్తోంది.