మూవీడెస్క్: యంగ్ రెబల్ స్టార్ ప్రభాస్ ఈ నెల 23న 45వ పుట్టినరోజు జరుపుకోబోతున్నాడు. ప్రతి సంవత్సరం లాగే, ఈ సారి కూడా అభిమానులకు ప్రభాస్ పుట్టినరోజు స్పెషల్ ట్రీట్స్ రాబోతున్నాయి.
ప్రభాస్ ప్రస్తుతం పలు ప్రాజెక్ట్‌లలో బిజీగా ఉండగా, ఈ సినిమాల నుండి అప్డేట్స్ వచ్చే అవకాశం ఉంది.
ప్రస్తుతం అభిమానులు ఆసక్తిగా ఎదురుచూస్తున్న అప్డేట్ స్పిరిట్ సినిమా నుండి.
సందీప్ రెడ్డి వంగా దర్శకత్వంలో రూపొందుతున్న ఈ పాన్ ఇండియా సినిమా నుండి స్పెషల్ ఆడియో గ్లింప్స్ అక్టోబర్ 23న విడుదల కానుందని సమాచారం.
ఇందులో ప్రభాస్ మొదటిసారిగా పోలీస్ ఆఫీసర్‌గా కనిపించబోతున్నాడు.
అలాగే, మరో భారీ అప్డేట్ ఫౌజీ సినిమా ఫస్ట్ లుక్‌ కూడా అదే రోజు విడుదల కానుందని టాక్ వినిపిస్తోంది.
హను రాఘవపూడి దర్శకత్వంలో రూపొందుతున్న ఈ వార్ డ్రామా పై మంచి అంచనాలున్నాయి.
అదే విధంగా, హారర్ కామెడీ బ్యాక్‌డ్రాప్‌లో తెరకెక్కుతున్న రాజాసాబ్ నుంచి ఫస్ట్ సింగిల్ లేదా టీజర్ అక్టోబర్ 23న రావొచ్చని భావిస్తున్నారు.
ఇన్ని అప్డేట్స్ ప్రభాస్ పుట్టినరోజు సందర్బంగా రావడంతో, అభిమానులు ఆనందం వ్యక్తం చేస్తున్నారు.
ప్రభాస్ ఈ మూడు డిఫరెంట్ ప్రాజెక్ట్‌లతో 1000 కోట్లకు పైగా పెట్టుబడులతో ప్రేక్షకులను అలరించడానికి సిద్ధమవుతున్నాడు.