ఢిల్లీ: 2021 డిసెంబర్ 8న భారత త్రివిధ దళాధిపతి జనరల్ బిపిన్ రావత్ ప్రయాణించిన ఎంఐ-17 హెలికాప్టర్ తమిళనాడులోని కూనూరులో కూలిన ఘోర ప్రమాదం అందరినీ కదిలించింది.
ఈ దుర్ఘటనలో బిపిన్ రావత్, ఆయన భార్య మధులిక రావత్‌తో పాటు మరో 10 మంది ప్రాణాలు కోల్పోయారు. ఈ విషాదకర ఘటనపై రక్షణ శాఖ నివేదిక తాజాగా వెలువడింది.
స్థాయి కమిటీ సమర్పించిన నివేదిక ప్రకారం, ఈ ప్రమాదానికి మానవ తప్పిదమే ప్రధాన కారణమని తేలింది.
పైలట్ నిర్ణయాల్లో పొరపాట్లు ఈ ప్రమాదానికి దారితీశాయని నివేదిక స్పష్టంచేసింది. 2017-2022 మధ్య దేశంలో 34 విమాన ప్రమాదాలు చోటుచేసుకోగా, జనరల్ బిపిన్ రావత్ ఘటన అత్యంత విషాదకరమైంది.
ఈ ప్రమాదం తర్వాత రక్షణ శాఖ హెలికాప్టర్ నిర్వహణ, పైలట్ శిక్షణ, భద్రతా నిబంధనలపై మరింత జాగ్రత్తలు తీసుకుంటోంది. జనరల్ బిపిన్ రావత్ సేవలను కొనియాడిన దేశం, ఈ ఘటనను మరచిపోలేనిదిగా భావిస్తోంది.
రక్షణ వ్యవస్థలో మెరుగుదల కోసం మరింత కఠినమైన చర్యలు తీసుకోవాలని నిపుణులు అభిప్రాయపడుతున్నారు.