ఏపీ: ప్ర‌తిప‌క్ష పార్టీ వైసీపీకి సోమ‌వారం రెండుసార్లు షాక్ త‌గిలింది. ఆ పార్టీకి చెందిన ఎమ్మెల్యే తాటిప‌ర్తి చంద్ర‌శేఖ‌ర్, ఎమ్మెల్సీ దువ్వాడ శ్రీనివాస్‌లపై వివిధ ఆరోప‌ణ‌ల‌కు సంబంధించి కేసులు న‌మోద‌య్యాయి. ఈ కేసుల‌తో వైసీపీ నాయ‌కుల మ‌ధ్య తీవ్ర అల‌జ‌డి నెలకొంది.
ప్ర‌కాశం జిల్లాలో వైసీపీ ఎమ్మెల్యే తాటిప‌ర్తి చంద్ర‌శేఖ‌ర్‌పై సోష‌ల్ మీడియాలో ప్ర‌సార‌మైన దుర్భాషల వ్యాఖ్యల కారణంగా కేసు నమోదు చేయడం గమనార్హం. టీడీపీ నేత నారా లోకేష్‌పై అనుచిత వ్యాఖ్యలు చేశారనే ఆరోపణలపై పోలీసులు కేసు పెట్టారు.
చంద్ర‌శేఖ‌ర్‌కు 41ఏ కింద నోటీసులు జారీచేసి, స్వయంగా ఆయన నివాసానికి చేరుకుని నోటీసులు అందించారు. ఇక శ్రీకాకుళం జిల్లా ఎమ్మెల్సీ దువ్వాడ శ్రీనివాస్‌పై కూడా కేసు నమోదైంది.
జనసేన నేతల ఫిర్యాదులో, గత ఎన్నికల ముందు పవన్ కళ్యాణ్‌పై చేసిన అనుచిత వ్యాఖ్యల కారణంగా ఈ కేసు నమోదు అయ్యింది. దీనిపై పోలీసులు విచారణను వేగవంతం చేశారు.
ఈ రెండు కేసులు వైసీపీపై రాజ‌కీయంగా ప్రభావం చూపుతాయ‌ని విశ్లేషకులు అభిప్రాయపడుతున్నారు.