ఆంధ్రప్రదేశ్: ఓపెన్ ఏఐ సీఈవోని ఏపీకి ఆహ్వానించిన చంద్రబాబు
ఓపెన్ ఏఐ సీఈవో ఆసక్తికర ట్వీట్
ఓపెన్ ఏఐ (OpenAI) సీఈవో సామ్ ఆల్ట్‌మ్యాన్ (Sam Altman) భారత్‌లో ఆర్టిఫిషియల్ ఇంటెలిజెన్స్ ప్రగతి గురించి ఆసక్తికరంగా ట్వీట్ చేశారు. భారతదేశం ఏఐను ఎలా స్వీకరిస్తుందో చూడాలని ఆసక్తిగా ఉన్నట్టు తెలిపారు.
సామ్ ఆల్ట్‌మ్యాన్ ట్వీట్‌పై చంద్రబాబు స్పందన
సామ్ ఆల్ట్‌మ్యాన్ ట్వీట్‌కు స్పందించిన ఆంధ్రప్రదేశ్ సీఎం చంద్రబాబు నాయుడు (Chandrababu Naidu), ఇది కేవలం ప్రారంభం మాత్రమేనని ట్విట్టర్ లో పేర్కొన్నారు. ఏఐ అభివృద్ధిలో ఆంధ్రప్రదేశ్‌ను ఒక హబ్‌గా మార్చేందుకు కృషి చేస్తున్నామని తెలిపారు.
అమరావతికి ఆహ్వానం
సామ్ ఆల్ట్‌మ్యాన్‌ను అమరావతికి రావాలని చంద్రబాబు ఆహ్వానించారు. ఏపీ ప్రభుత్వ లక్ష్యాలను, వీలైన అవకాశాలను ఆయనతో పంచుకుని భవిష్యత్‌ రూపకల్పనపై చర్చించాలని చంద్రబాబు ట్వీట్ చేశారు.
క్వాంటమ్ టెక్నాలజీలోనూ ముందంజ
ఏపీ ప్రభుత్వం కేవలం ఏఐ మాత్రమే కాకుండా, క్వాంటమ్ టెక్నాలజీ (Quantum Technology) అభివృద్ధిలోనూ ముందంజలో ఉండేందుకు సన్నద్ధమవుతోందని చంద్రబాబు స్పష్టం చేశారు. రాష్ట్రాన్ని టెక్నాలజీ, ఇన్నోవేషన్ హబ్‌గా తీర్చిదిద్దేందుకు పటిష్ట కార్యాచరణ రూపొందించామని ట్విట్టర్ వేదికగా తెలిపారు.