ఏపీ: ముఖ్యమంత్రి చంద్రబాబు నాయుడు రాష్ట్ర వైద్య రంగంలో ఆర్టిఫిషియల్ ఇంటెలిజెన్స్‌ (ఏఐ) సాంకేతికతను ప్రవేశపెట్టేందుకు ఆదేశాలు జారీ చేశారు.
గ్రామీణ, గిరిజన ప్రాంతాల్లో ఆరోగ్య సమస్యలను ప్రాథమిక దశలోనే గుర్తించి, ముందస్తు చర్యలు తీసుకునేందుకు ఈ నిర్ణయం తీసుకున్నారు. ముఖ్యంగా కిడ్నీ సమస్యలు, క్షయ, బోదకాలు, పక్షవాతం వంటి రోగాలపై ఏఐ సాయంతో విశ్లేషణ చేయనున్నారు.
108, 104 అత్యవసర సేవలను బలోపేతం చేసేందుకు సీఎం ప్రత్యేక చర్యలు చేపట్టారు. 108 అంబులెన్స్‌లను మరింత విస్తరించి, 190 కొత్త వాహనాలు కొనుగోలు చేయాలని నిర్ణయించారు.
ఈ ప్రాజెక్టుకు సుమారు 60 కోట్ల వ్యయం అంచనా వేస్తున్నారు. 104 సేవల్లో పనిచేసే సిబ్బందికి మెరుగైన శిక్షణ, సౌకర్యాలు అందించి గ్రామీణ ప్రాంతాల్లో ఆరోగ్య సేవలు మరింత చురుకుగా ఉండేలా చూస్తున్నారు.
ఏఐ యూనివర్సిటీ ఏర్పాటు, వైద్య సేవల్లో సాంకేతికత వినియోగం ద్వారా ప్రజలకు మెరుగైన ఆరోగ్య సేవలు అందించడమే చంద్రబాబు ఉద్దేశమని స్పష్టమవుతోంది.
ఈ నిర్ణయాలు రాష్ట్ర వైద్య రంగాన్ని ముందడుగు వేయించడంతో పాటు, ప్రజల ఆరోగ్య పరిస్థితులను మెరుగుపరుస్తాయని ఆశిస్తున్నారు.