ముంబై: ఐపీఎల్ చరిత్రలో ఆ టీంల పేర్లు చెబితే ఎన్ని సార్లు కప్ గెలిచారు అనే లెక్కలు కడతారు. ప్రతి సారి ఐపీఎల్ మొదలయ్యాక ఈ ఇద్దరిలోనే ఎవరో ఒకరు కప్ గెలుస్తారనే అంచనాలు వేస్తుంటారు.
అవే చెన్నై సూపర్ కింగ్స్, ముంబై ఇండియన్స్. ఆ రెండు జట్లు కలిసి 9 సార్లు కప్ గెలిచాయి. కానీ ఈ సారి ఐపీఎల్ 2022లో ఆ రెండు స్టార్ జట్లు చతికిలబడ్డాయి. టేబుల్లో ఈ సారి ఆ రెండు జట్లు చివరి స్థానాలకు పోటీ పడుతున్నాయి.
చెన్నై ఇప్పటి వరకు 12 మ్యాచ్ లు ఆడి 4 మాత్రమే గెలిచి 8 పాయింట్లతో 9వ స్థానంలో నిలవగా, ముంబై 12 మ్యాచ్ లు ఆడి 3 గెలిచి 6 పాయింట్లతో 10వ స్థానంలో నిలిచింది. ఈ రెండు జట్లు ఇప్పుడు ఇప్పుడు ఐపీఎల్ 2022 నుంది నిష్క్రమించాయి.