టాలీవుడ్: సూపర్ స్టార్ కృష్ణ ఫామిలీ నుండి హీరో గా వచ్చి తనకంటూ ప్రత్యేక స్థానం ఏర్పరచుకోవడానికి నిత్యం శ్రమిచే హీరో సుధీర్ బాబు. స్టోరీ పరంగా చాలా ప్రయోగాలు చేసినా కానీ ఆశించిన ఫలితం రాలేదు. ప్రస్తుతం ‘శ్రీదేవి సోడా సెంటర్’ అనే సినిమాతో ఎలాగైనా హిట్ కొట్టాలనే కసితో ఉన్నాడు. వచ్చే వారం విడుదల అవ్వబోతున్న ఈ సినిమా ప్రొమోషన్ కూడా బాగానే చేస్తున్నారు. ఈ సినిమా నుండి ‘చుక్కల మేళం’ అంటూ సాగే పాటని ఈ రోజు విడుదల చేసారు.
పెళ్లి బ్యాక్ డ్రాప్ లో సాగే ఈ పాటని ఈరోజు విడుదల చేసారు. పెళ్లి ఉదంతం లో ఒక జంటగా ఉండాల్సిన బంధాన్ని బేస్ చేసుకుని ‘చుక్కల మేళం దిక్కుల తాళం ఒక్కటయ్యే ఈ సంబరం ఆసాంతం -నీ సొంతం.. తక్కువ లేదు-ఎక్కువ కాదు.. మక్కువ ఉంటే జీవితం’ అనే సాహిత్యాన్ని కళ్యాణ్ చక్రవర్తి అందించారు. మణి శర్మ తనదైన స్టైల్ లో ఈ పాటని కంపోజ్ చేసారు. సుధీర్ బాబు కి జోడీ గా ఆనంది కూడా ఎక్స్ప్రెషన్స్ లుక్స్ తో ఆకట్టుకున్నారు.
ఈ సినిమాలో గోదావరి నదిలో దాదాపు 70 పైగా బోట్ లతో ఉండే యాక్షన్ సీక్వెన్స్ హైలైట్ అవబోతుంది అని టాక్ వినిపిస్తుంది. ఈ సినిమాకి సంబందించిన సినిమాటోగ్రఫీ కూడా ఆకట్టుకుంటుంది. పలాస 1978 సినిమాతో ఆకట్టుకున్న కరుణ కుమార్ ఈ సినిమాని డైరెక్ట్ చేస్తున్నారు. 70MM ఎంటర్టైన్మెంట్స్ బ్యానర్ పై చల్లా విజయ్, శశి దేవి రెడ్డి ఈ సినిమాని నిర్మించారు. ఆగష్టు 27 న ఈ సినిమా థియేటర్ లలో విడుదల అవనుంది.