చల్లటి వార్త.. కోస్తాంధ్ర, తెలంగాణలో విస్తారంగా వానలు!
Weather Forecast: ఆంధ్రప్రదేశ్‌ మరియు తెలంగాణ ప్రజలకు ఈ వాతావరణ మార్పులు చల్లని కబుర్లు తెచ్చాయి. విచిత్రమైన వాతావరణ పరిస్థితులలో, గత కొన్ని రోజులుగా ఉక్కబోత, తీవ్రంగా ఎండలు కాచిన నేపథ్యంలో, వాతావరణ శాఖ రెండు రోజుల్లో విస్తారంగా తేలికపాటి నుంచి మోస్తరు వర్షాలు కురుస్తాయని ప్రకటించింది. ఈ వర్షాలు ఎండ వేడిమి నుండి ఉపశమనం కలిగించనున్నాయి.
కోస్తాంధ్రలో విస్తారంగా వర్షాలు
కోస్తాంధ్రకు శుక్రవారం నుండి విస్తారంగా వర్షాలు పడతాయని విపత్తు నిర్వహణ సంస్థ తెలిపింది. ప్రకాశం, కర్నూలు, నంద్యాల, అనంతపురం, శ్రీ సత్యసాయి, వైఎస్‌ఆర్, అన్నమయ్య, చిత్తూరు, తిరుపతిలో మోస్తరు వర్షాలు కురుస్తాయని అంచనా వేస్తున్నారు. అలాగే, అల్లూరి సీతారామరాజు, విశాఖపట్నం, అనకాపల్లి, కాకినాడ, తూర్పు మరియు పశ్చిమ గోదావరి, గుంటూరు, బాపట్ల, పల్నాడులలో తేలికపాటి వర్షాలు నమోదవుతాయని సూచించారు.
రాయలసీమలో భారీ వర్షాలు
రాయలసీమ ప్రాంతంలో ఉమ్మడి కర్నూలు, కడప జిల్లాల్లో ఇప్పటికే భారీ వర్షాలు కురుస్తున్నాయి. కర్నూలు జిల్లాలోని ఆలూరులో వరద నీరు కల్లే వాగు వంతెనను ముంచెత్తింది. గుంతకల్లు-ఆదోని మార్గంలో రాకపోకలు నిలిచిపోయాయి. కడప జిల్లా పులివెందుల, కమలాపురం వంటి ప్రాంతాల్లో లోతట్టు ప్రాంతాలు జలమయమయ్యాయి.
తెలంగాణలో కూడా భారీ వర్ష సూచన
తెలంగాణలో కూడా భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం ప్రకటించింది. ముఖ్యంగా ఆదిలాబాద్, నిజామాబాద్, రంగారెడ్డి, హైదరాబాద్ సహా 18 జిల్లాలకు ఎల్లో అలర్ట్ జారీ చేశారు. గంటకు 30-40 కిలోమీటర్ల వేగంతో ఈదురు గాలులు వీచే అవకాశం ఉందని పేర్కొన్నారు.