అమరావతి: సచివాలయంలో సీఎం చంద్రబాబు నాయుడు నేతృత్వంలో ఏపీ కేబినెట్ స‌మావేశం జరిగింది. ఈ సమావేశంలో మంత్రివర్గం పలు కీలక నిర్ణయాలను తీసుకుంది.
గత వైసీపీ ప్రభుత్వ హయాంలో ప్రవేశపెట్టిన రివర్స్ టెండరింగ్ విధానాన్ని ఆపి వేయాలని నిర్ణయించబడింది. పాత విధానంలోనే టెండర్ ప్రక్రియను కొనసాగించడానికి కేబినెట్ అంగీకరించింది.
ఆబ్కారీ శాఖ పునర్వ్యవస్థీకరణకు కేబినెట్ సానుకూలంగా స్పందించింది. పోలవరం ఎడమ కాలువ పనులను పునరుద్ధరించడంపై, ప్రస్తుత గుత్తేదారు సంస్థతోనే ఈ పనులను కొనసాగించడంపై కేబినెట్ నిర్ణయం తీసుకుంది.
అలాగే, స్పెషల్ ఎన్‌ఫోర్స్‌మెంట్ బ్యూరో (SEB)ను రద్దు చేయాలని కూడా నిర్ణయించారు. పాసు పుస్తకాల్లో జగన్ ఫోటోను తొలగించడమే కాకుండా, సాగునీటి సంఘాల ఎన్నికలను నిర్వహించేందుకు అనుమతి ఇచ్చారు.
వివాదంలో ఉన్న భూముల రిజిస్ట్రేషన్లను ఆపివేయాలని కేబినెట్ ఆమోదం తెలిపింది