టాలీవుడ్: కరోనా సమయంలో ఫ్రంట్ లైన్ వర్కర్స్ గా డాక్టర్స్, పోలీస్, శానిటైజెషన్ వర్కర్స్, డెలివరీ బాయ్స్ ఇలా చాలామంది వైరస్ కి డైరెక్ట్ ఎక్సపోజ్ అయ్యి ఫ్రంట్ లైన్ వర్కర్స్ గా కష్ట సమయాల్లో ఎన్నో సేవలు అందించారు. వీళ్లందరికోసం నాని ఒక స్పెషల్ చేయబోతున్నాం అని కొద్ది రోజుల క్రితం ప్రకటించారు. ఈ రోజు ఆ స్పెషల్ ఏంటి అనేది ఒక పోస్ట్ లో తెలియచేసారు. ‘దారే లేదా’ అంటూ ఒక స్పెషల్ సాంగ్ డాక్టర్స్ కోసం తయారు చేసాం అని త్వరలో విడుదల చేస్తున్నాం అని ప్రకటించాడు.
‘దారే లేదా’ అంటూ సాగే ఈ పాటని తెలుగు మరియు తమిళ్ లో విడుదల చేయనున్నారు. ఈ పాటకి నాని ప్రస్తుతం రూపొందిస్తున్న ‘మీట్ క్యూట్‘ సినిమాకి సంగీతం అందిస్తున్న విజయ్ బుల్గానిన్ సంగీతం అందించారు. తెలుగు లో కృష్ణ కాంత్ సాహిత్యం అందించగా, తమిళ్ లో మదన్ కార్కీ సాహిత్యం అందించారు. ఈ పాటలో మరొక తెలుగు నటుడు సత్యదేవ్ తో పాటు ఉమా మహేశ్వర ఉగ్ర రూపస్య సినిమాలో నటించిన ‘రూప కొడువాయుర్’ కూడా నటించారు. ఈ పాటని చాయ్ బిస్కెట్ వారి సహకారంతో నాని ప్రొడక్షన్ హౌస్ ‘వాల్ పోస్టర్ సినిమా’ వాళ్ళు రూపొందించారు.