మూవీడెస్క్: సంక్రాంతి బరిలో విడుదలైన నందమూరి బాలకృష్ణ లేటెస్ట్ సినిమా డాకు మహారాజ్ బాక్సాఫీస్ వద్ద సూపర్ హిట్‌గా నిలిచింది.
బాబీ దర్శకత్వంలో రూపొందిన ఈ మాస్ యాక్షన్ ఎంటర్టైనర్, బాలయ్య అభిమానులను కట్టిపడేసింది.
సినిమాలోని బాలయ్య స్టైల్, డైలాగ్ డెలివరీ, యాక్షన్ సన్నివేశాలు ప్రేక్షకుల నుండి విశేష ఆదరణ పొందాయి.
ఇక ఈ సినిమా ఓటీటీ ప్రీమియర్‌పై కూడా అభిమానుల్లో ఆసక్తి నెలకొంది.
“డాకు మహారాజ్” ఓటీటీ హక్కులను ప్రముఖ స్ట్రీమింగ్ ప్లాట్‌ఫామ్ నెట్‌ఫ్లిక్స్ సొంతం చేసుకుంది.
తాజా సమాచారం ప్రకారం, ఈ సినిమాను ఫిబ్రవరి 9 నుంచి స్ట్రీమింగ్ చేయనున్నట్లు తెలుస్తోంది. ఈ వార్త బాలయ్య ఫ్యాన్స్‌కు పెద్ద ట్రీట్ అని చెప్పవచ్చు.
సినిమాలో ప్రగ్యా జైస్వాల్, శ్రద్ధా శ్రీనాథ్, చాందినీ చౌదరి, ఊర్వశి రౌటేలా ముఖ్య పాత్రల్లో నటించి ప్రేక్షకులను ఆకట్టుకున్నారు.
బాబీ డియోల్ విలన్ పాత్రలో తనదైన ముద్ర వేశారు. థమన్ అందించిన సంగీతం, కథలోని మాస్ ఎలిమెంట్స్ సినిమాకు స్పెషల్ హైలైట్‌గా నిలిచాయి.
సితార ఎంటర్‌టైన్‌మెంట్స్ మరియు ఫార్చున్ ఫోర్ సినిమాస్ సంయుక్తంగా ఈ భారీ బడ్జెట్ చిత్రాన్ని నిర్మించాయి.
థియేటర్లలో సంచలన విజయం సాధించిన “డాకు మహారాజ్” ఇప్పుడు ఓటీటీలో కూడా కొత్త రికార్డులు సృష్టిస్తుందో చూడాలి.