మూవీడెస్క్: నందమూరి బాలకృష్ణ నటించిన డాకు మహారాజ్ సినిమా సంక్రాంతి బరిలో ప్రేక్షకుల ముందుకు రానుంది.
భారీ బడ్జెట్‌తో రూపొందిన ఈ చిత్రం పై భారీ అంచనాలు ఉన్నాయి.
అయితే, ప్రమోషన్లలో జోరు తక్కువగా ఉందన్న కామెంట్లు వినిపిస్తున్న వేళ, ఓ అనుకోని ఘటనతో మేకర్స్ ప్రీ రిలీజ్ ఈవెంట్‌ను రద్దు చేశారు.
తిరుమలలో వైకుంఠ ద్వార దర్శన టిక్కెట్ల కోసం భక్తుల రద్దీ అధికమవ్వడంతో తొక్కిసలాట జరిగింది. ఈ ఘటనలో ఆరుగురు భక్తులు ప్రాణాలు కోల్పోగా, పలువురు గాయపడ్డారు.
ఈ సంఘటన దేశవ్యాప్తంగా విచారం కలిగించింది.
ఇలాంటి సమయంలో వేడుకలు నిర్వహించడం సముచితం కాదనే అభిప్రాయంతో బృందం అనంతపురంలో జరగాల్సిన ప్రీ రిలీజ్ ఈవెంట్‌ను రద్దు చేసింది.
సంక్రాంతి సీజన్‌లో విడుదలవుతోన్న ఈ చిత్రంపై అభిమానుల అంచనాలు ఎక్కువగా ఉన్నాయి.
ముఖ్యంగా రాయలసీమలో బాలయ్యకి ఉన్న క్రేజ్ కారణంగా, ఈ చిత్రం భారీ విజయాన్ని సాధించగలదని భావిస్తున్నారు.
ట్రైలర్, టీజర్‌లు ఇప్పటికే మంచి స్పందన పొందినప్పటికీ, ఈవెంట్ రద్దు వల్ల మేకర్స్ సోషల్ మీడియా ప్రమోషన్లపై ఎక్కువ దృష్టి పెట్టనున్నారు.
ఈ సంఘటనతో ప్రమోషన్‌లో అంతరాయం కలిగినా, సినిమా విడుదలపై ఎలాంటి మార్పు లేదు.
జనవరి 13న డాకు మహారాజ్ గ్రాండ్ రిలీజ్ అవుతోంది.