మూవీడెస్క్: ప్రతి ఏడాది సంక్రాంతి పండుగ సీజన్‌లో టాలీవుడ్ లో భారీ సినిమాలు విడుదల కావడం సాంప్రదాయంగా మారిపోయింది.
2025 సంక్రాంతి బరిలో కూడా పలు అంచనాల చిత్రాలు సిద్ధమవుతున్నాయి.
అయితే, డేట్స్ విషయంలో కొంత గందరగోళం కొనసాగినప్పటికీ, నిర్మాణ సంస్థలు గొడవ లేకుండా వివేకంగా విడుదల తేదీలను ఫిక్స్ చేసుకోవడం జరిగింది.
మొదటగా జనవరి 10న విడుదల కానున్న చిత్రం రామ్ చరణ్ నటించిన “గేమ్ ఛేంజర్”.
శంకర్ దర్శకత్వం వహించిన ఈ పాన్ ఇండియా సినిమా చరణ్‌కు మరో బిగ్ హిట్ ఇవ్వాలని మేకర్స్ ఆశిస్తున్నారు.
ఈ సందర్భంగా నిర్మాత దిల్ రాజు భారీ స్క్రీనింగ్‌కు ప్లాన్ చేస్తున్నారు.
ఇక జనవరి 12న మాస్ హీరో బాలకృష్ణ నటించిన NBK109 చిత్రం ప్రేక్షకుల ముందుకు రాబోతోంది.
బాబీ దర్శకత్వంలో రూపొందిన ఈ మాస్ యాక్షన్ డ్రామా బాలయ్య అభిమానులను థ్రిల్ చేసేలా ఉంది.
సంక్రాంతి రోజున జనవరి 14న విడుదల కానున్న “సంక్రాంతికి వస్తున్నాం” చిత్రం వెంకటేష్ ప్రధాన పాత్రలో పక్కా ఫ్యామిలీ ఎంటర్టైనర్‌గా తెరకెక్కింది.
ఈ చిత్రం అనిల్ రావిపూడి దర్శకత్వంలో, దిల్ రాజు నిర్మాణంలో వస్తుండటంతో మంచి అంచనాలు నెలకొన్నాయి.
సంక్రాంతి తర్వాతి రోజే జనవరి 15న సందీప్ కిషన్ నటించిన “మజకా” చిత్రం విడుదలకు సిద్ధమవుతోంది.
త్రినాథరావు నక్కిన దర్శకత్వంలో రూపొందిన ఈ రొమాంటిక్ ఎంటర్టైనర్ ఫ్యామిలీ ఆడియన్స్‌ను ఆకట్టుకోనుంది.
ఈ సంక్రాంతికి డిఫరెంట్ జానర్స్ లో నాలుగు ప్రధాన సినిమాలు విడుదల కానుండడంతో, థియేటర్స్ లో పండుగ వాతావరణం నెలకొనడం ఖాయం.