ఢిల్లీ ఎన్నికలు: కమలానిదే విజయం? ఎగ్జిట్ పోల్స్ విశ్లేషణ

ఢిల్లీ ఎన్నికలు: కమలానిదే విజయం? ఎగ్జిట్ పోల్స్ విశ్లేషణ చూడండి..

భారత రాజధాని ఢిల్లీ అసెంబ్లీ ఎన్నికలపై దేశవ్యాప్తంగా ఆసక్తి నెలకొంది. హోరాహోరీగా జరిగిన ఈ ఎన్నికల ఫలితాలపై ఎగ్జిట్ పోల్స్ మిశ్రమ అభిప్రాయాలు వ్యక్తం చేస్తున్నాయి. ప్రధాన సర్వే సంస్థల ఫలితాల ప్రకారం బీజేపీ ఘన విజయం సాధించనుందని తేలగా, కొన్ని సంస్థలు మాత్రం ఆమ్ ఆద్మీ పార్టీ (AAP) మరోసారి అధికారం చేపట్టనున్నట్లు సూచిస్తున్నాయి.

ఎగ్జిట్ పోల్స్: బీజేపీకి అధిక ఆధిక్యం

ఎగ్జిట్ పోల్స్ ప్రకారం, బీజేపీ ఢిల్లీలో భారీ విజయాన్ని నమోదు చేయనున్నట్లు స్పష్టమవుతోంది. ప్రధాన సర్వే సంస్థలు కమలానికి పట్టం కట్టగా, కేకే (KK) మరియు వీ-ప్రిసైడ్ (V-Preside) వంటి సంస్థలు మాత్రం ఆమ్ ఆద్మీ పార్టీకి విజయ సూచనలు ఇస్తున్నాయి. కాంగ్రెస్ పార్టీకి మాత్రం గణనీయమైన అవకాశాలు లేవని విశ్లేషకులు పేర్కొంటున్నారు.

కీలక నేతల ప్రచారం

ఈ ఎన్నికలను ప్రతిష్టాత్మకంగా తీసుకున్న బీజేపీ, ఆరెస్సెస్ (RSS) శ్రేణుల సహాయంతో ముమ్మర ప్రచారం నిర్వహించింది. ప్రధానమంత్రి నరేంద్ర మోదీ, హోం మంత్రి అమిత్ షా, యూపీ సీఎం యోగి ఆదిత్యనాథ్, ఏపీ సీఎం చంద్రబాబు తదితర ప్రముఖ నేతలు బీజేపీ తరఫున విస్తృత ప్రచారం నిర్వహించారు.

ఆప్‌కు కాంగ్రెస్ గండి?

కాంగ్రెస్ మరియు ఆప్ వేర్వేరుగా పోటీకి దిగిన కారణంగా, ఓట్ల చీలిక బీజేపీకి అనుకూలంగా మారిందని రాజకీయ విశ్లేషకులు భావిస్తున్నారు. గత ఎన్నికల్లో కనీసం ఒక్క సీటూ గెలుచుకోలేకపోయిన కాంగ్రెస్, ఈసారి ఓటు శాతాన్ని పెంచుకునే అవకాశం ఉన్నప్పటికీ, గెలుపు అవకాశాలు తక్కువగానే ఉన్నాయని విశ్లేషకులు అంచనా వేస్తున్నారు.

భిన్న ఫలితాలు ఇచ్చిన కొన్ని సర్వేలు

కేకే సర్వే మాత్రం ఆశ్చర్యకరంగా భిన్న ఫలితాలను వెల్లడించింది. ఆప్ 44 స్థానాలతో అధికారంలోకి వస్తుందని, బీజేపీ కేవలం 26 స్థానాలకు పరిమితం అవుతుందని ప్రకటించింది. వీ-ప్రిసైడ్ సంస్థ సైతం ఆమ్ ఆద్మీ పార్టీకి అనుకూలంగా 46-52 సీట్లు రాబోతున్నాయని అంచనా వేసింది.

ఓటింగ్ మరియు ముఖ్యమైన సంఘటనలు

70 అసెంబ్లీ నియోజకవర్గాల్లో మొత్తం 699 మంది అభ్యర్థులు పోటీచేసిన ఈ ఎన్నికల్లో 60.10% పోలింగ్ నమోదైంది. రాష్ట్రపతి ద్రౌపది ముర్ము, కేంద్ర మంత్రులు ఎస్.జైశంకర్, హర్దీప్ సింగ్ పురి, సీఎం అతిషి, ఆప్ కన్వీనర్ కేజ్రీవాల్, కాంగ్రెస్ నేతలు సోనియా గాంధీ, రాహుల్ గాంధీ తదితర ప్రముఖులు తమ ఓటు హక్కును వినియోగించుకున్నారు.

ముఖ్య సంస్థల ఎగ్జిట్ పోల్స్ ఫలితాలు