కాంగ్రెస్ నేత చిదంబరం కు ఢిల్లీ హైకోర్టు ఊరట
న్యూ ఢిల్లీ: కాంగ్రెస్ సీనియర్ నేత, కేంద్ర మాజీ మంత్రి పి. చిదంబరంకు ఢిల్లీ హైకోర్టులో ముఖ్యమైన ఊరట లభించింది. ఆయనపై ఎయిర్సెల్-మాక్సిస్ మనీలాండరింగ్ కేసులో విచారణ చేపట్టేందుకు ట్రయల్ కోర్టు గతంలో ఇచ్చిన ఉత్తర్వులను హైకోర్టు నిలిపివేసింది.
ఈ కేసులో చిదంబరం ట్రయల్ కోర్టు ఇచ్చిన ఉత్తర్వులను సవాల్ చేస్తూ హైకోర్టును ఆశ్రయించారు. ఈ క్రమంలో సింగిల్ జడ్జి ధర్మాసనం విచారణ చేపట్టి, ఆ ఉత్తర్వులను తాత్కాలికంగా నిలిపివేస్తూ ఎన్‌ఫోర్స్‌మెంట్ డైరెక్టరేట్‌ (ఈడీ)కి నోటీసులు జారీ చేసింది.
ఎయిర్సెల్-మాక్సిస్ కేసులో చిదంబరం, ఆయన కుమారుడు కార్తి చిదంబరంపై ఈడీ ఛార్జిషీట్ దాఖలు చేసిన విషయం తెలిసిందే. అయితే, ఈ విచారణను నిలిపివేయాలని చిదంబరం హైకోర్టును ఆశ్రయించారు. దీనిపై తాజా తీర్పులో హైకోర్టు విచారణకు బ్రేక్ వేసింది.
హైకోర్టు నిర్ణయం ప్రస్తుతం రాజకీయ వర్గాల్లో చర్చనీయాంశమైంది.