కోలీవుడ్: ఒక సౌత్ ఇండియన్ యాక్టర్ గా దేశం అంతా గుర్తింపు పొంది కేవలం తమిళ్ మాత్రమే కాకుండా ఇటు టాలీవుడ్, బాలీవుడ్ లో కూడా మంచి సినిమాల ద్వారా గుర్తింపు పొందాడు. సౌత్ ఇండియా నుండి హాలీవుడ్ సినిమా తీసిన నటుడిగా కూడా గుర్తింపు పొందాడు ధనూష్. ప్రస్తుతం ధనుష్ చేతిలో ఉన్న సినిమాలతో 2024 వారికి ధనుష్ కాల్ షీట్లు ఖాళీ లేవు. ఈ హీరో నుండి ప్రస్తుతం ‘కర్ణ’ అనే సినిమా విడుదలకి సిద్ధం అవుతుంది. ఈ సినిమా డబ్బింగ్ పనులు పూర్తి చేసినట్టు ఒక ట్వీట్ పెట్టి విడుదలకి రెడీ అవుతుంది అని తెలిపాడు.
‘పరియేరుమ్ పెరుమాళ్’ లాంటి ఒక కొత్త రకమైన సినిమాతో గుర్తింపు తెచ్చుకున్న డైరెక్టర్ ‘మారి సెల్వరాజ్‘ దర్శకత్వంలో కర్ణ సినిమా రూపొందింది. ఈ సినిమా టీజర్ కూడా కొత్తగా అనిపించింది. వీ క్రియేషన్స్ బ్యానర్ పై కలైపులి .ఎస్. థాను ఈ సినిమాని నిర్మించాడు. ఈ సినిమాని ఏప్రిల్ లో విడుదల చేస్తున్నాడు. ఈ సినిమాతో ధనుష్ మరొక ఎమోషనల్ కంటెంట్ తో ఆకట్టుకునే ప్రయత్నం చేస్తున్నాడు. ఈ సినిమాతో పాటు కార్తీక్ సుబ్బరాజ్ దర్శకత్వం లో రూపొందిన ‘జగమే తంత్రం’ సినిమా కూడా విడుదలకి సిద్ధంగా ఉంది.