మూవీడెస్క్: టాలీవుడ్‌లో ప్రముఖ నిర్మాత దిల్ రాజు 2025కి భారీ ప్రణాళికలు సిద్ధం చేసుకున్నారు.
డిస్ట్రిబ్యూటర్‌గా కెరీర్ మొదలుపెట్టిన ఆయన, ప్రస్తుతం స్టార్ ప్రొడ్యూసర్‌గా ఎదిగారు.
ఈ ఏడాది అనుకున్న స్థాయిలో సక్సెస్ అందుకోలేకపోయిన దిల్ రాజు, వచ్చే సంవత్సరం సంక్రాంతి నుంచి వరుసగా భారీ చిత్రాలను విడుదల చేసేందుకు రెడీ అవుతున్నారు.
సంక్రాంతి సందర్భంగా రామ్ చరణ్ నటించిన “గేమ్ ఛేంజర్” చిత్రాన్ని జనవరి 10న ప్రేక్షకులకు అందించనున్నారు.
అదే ఫెస్టివల్ సీజన్‌లో, వెంకటేష్, అనిల్ రావిపూడి కాంబినేషన్‌లో రూపొందిన “సంక్రాంతికి వస్తున్నాం” కూడా విడుదల కానుంది.
ఇక శివరాత్రి కానుకగా నితిన్ హీరోగా నటిస్తున్న “తమ్ముడు” సినిమాను విడుదల చేయనున్నారు.
అలాగే, కొరియోగ్రాఫర్ యష్ మాస్టర్ హీరోగా పరిచయమవుతున్న చిత్రాన్ని కూడా 2025లోనే విడుదల చేయాలని ప్లాన్ చేస్తున్నారు.
బలగంతో విజయం సాధించిన వేణు డైరెక్షన్‌లో తెరకెక్కుతున్న “ఎల్లమ్మ” చిత్రాన్ని దసరా సందర్భంగా విడుదల చేయనున్నట్లు తెలుస్తోంది.
దిల్ రాజు తనకు ఎంతో ముఖ్యమైన మరో ప్రాజెక్ట్ “సెల్ఫిష్”ను సుకుమార్ సలహాలతో తిరిగి సెట్స్ పైకి తీసుకురావాలని భావిస్తున్నారు.
అలాగే, విజయ్ దేవరకొండతో మరో సినిమా 2025 చివర్లో లేదా 2026లో రాబోతుందని సమాచారం. 2025లో దిల్ రాజు మొత్తం ఎన్ని సక్సెస్ అందుకుంటారో చూడాల్సిందే.